Kehewà 24:1 - Udél Dwata: Gna Kesfasad ne Lomi Kesfasad

¹ Yó mon Dwata mò ke Musis ditu ta bulul, “Nangayem Aron ne Nadab ne Abihu ne hitu folò bè yó kem tuha gel malak yó kem tau Israél, mneged ye edini béléu eta bulul. Bê yóm igò ye tolo mayuk béléu mtud ye bukol ne tmaba ye ebéléu.

Kehewà 24:1 Referans Kwoze

Lista 11:16

Omin Dwata bud mudél ebè Musis, monen, “Semtifuni hitu folò bè yó kem tau malak yó kem tau Israél, yó kem tau hol nadat le. Nwitem lu ebéléu dini bè dou Gónô ne hdaem lu klohokem.

Kehewà 19:24

Mon Dwata se, “Budi mosol, nangayem Aron. Okóm yó kem gel blóng ebéléu ne yó kem dumu tau hol bê le nulé yóm blóng deng nmoem ke tô le mneged edini béléu. Ke nulé le tnafaku lu.”

Kun Snulat Luk 10:17

Legen udì bè yó, bud mulék yó kem hitu folò lewu deng hógów Jisas yó, ya tey kehligal le, mon le mò ke Jisas, “Là bangen du, Sér, yó kem busaw tódô le gotu mdó, botong kimón le kum lan me gel moluy kóm.”

Kun Snulat Luk 10:1

Kogolen bè yó, wen hitu folò lewu tau bud nélék Jisas, ket ne lewu kmò khógówen kul, hegnahen lu ebè tu kem benwu gónón angat e mógów.

Kehewà 34:2

Eles hentifesem abay se hlafus haya budi mneged eta Bulul Sinay nam e senlong o bè yó ta tfusuen.

Kehewà 24:15

Omin le Musis mneged eta yóm Bulul Sinay ne wen lobun lememek eta tfusuen.

Kehewà 24:9

Omin Musis ne Aron ne Nadab ne Abihu ne hitu folò bè yó kem gel malak yó kem tau Israél mneged eta yóm bulul yó

Kehewà 20:21

Okóm yó kem tau mom henlel le mdà hlayuk. Tek són Musis hloni ebè yóm lobun hitem gónó Dwata nô. Là gomongen bè nili tsaptér 20:22 efet kól bè tsaptér 23:19. Tulónen yó kem hlolò Dwata kul bè yóm kmò le du bè botu yóm gónó le gel demsù ebè Dwata ne bè yóm kmò kwit le kukum ne bè yóm kmò ktaba le ebè Dwata.

Kehewà 19:20

Mnaul elaan Dwata eta yóm Bulul Sinay ne tnabahen eta yóm bulul yó Musis. Tahu se, bud mneged Musis.

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Kehewà 3:5

Bud mon Dwata, “Béi hloni edini. Kóhem tlumfaem abay se dengi mdà bè yóm gónóhu nô.

Kehewà 1:5

Yó kdê deng ból Jakub, hitu folò kwen le gomong lemen Jusif yóm sotu ngaen deng eles nô ditu bè Idyip.

Kehewà 24:2

Tek són uu, Musis, hloni ebéléu, là yó kem dumuhem. Ne yó kem dumu tau nô bè but bulul, hol bê le abay mneged.”