Kehewà 23:32 - Udél Dwata: Gna Kesfasad ne Lomi Kesfasad

³² Hol bê ye abay mit sbilà bélê le, dalang se bè yó kem kul dwata lennged.

Kehewà 23:32 Referans Kwoze

Dwata 7:2

Ke deng blay Dwata lu elem hólól ye ni kem tau ni ne ke deng ye gemmò bélê le, tódô gotu himot hnatay ye lu. Bê ye abay mit sbilà bélê le ne hol bê ye abay knodu lu.

Kehewà 34:12

Bê ye abay mit sbilà bè yó kem tau nô bè yóm benwu gónó ye e solu abay se ke nmò ye yóm yó, yó se gónó ye gholot bélê le, yóm gónó ye là gemmò bélê le.

Kehewà 34:15

Béen abay wen senkotuk ye bè yó kem tau bè yóm benwu yó, abay se ke demsù le ebè yóm kul dwata lennged ne ke tmaba le ebélê le, ngem kà tinok le kuy anì mung ye bélê le ne gsindil ye mken du yóm ken deng dsù le ebè yóm kul dwata.

Kem Lingón 106:35

Deng mom yó nmò le, mung le segbót bélê le, ne lolò le yó kem sidek nmò le.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

2 Kurin 6:15

Senged se ke Krays ne Seitan, là kóen ssotu kehedem le. Dalang se yóm tau hemtahu ne yóm tau là hemtahuhen, laen kô gónón ssotu kehedem le.

Kehewà 23:24

Hol bê ye abay mtud bukol bè kul dwata lennged ne hol bê ye abay gbót tmaba ebélê le ne hol bê ye abay lolò yóm kul gel hlolò bè yóm ktaba le ebélê le. Yó hmou kuy, gotu genbà ye yó kem dwata kéng gel nmò le ne gotu hnugón ye yó kem hehek botu gónó le gel tmaba ebélê le.

Juswa 9:7

Okóm yó mon yó kem tau Israél, “Déke menwu ye moni bè ni. Ke menwu ye moni bè ni, là gbek me du mit sbilà bélê ye.”

Kmukum 2:2

Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Dwata 7:1

Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Dwata 31:5

Angat blay Dwata lu elem hólól ye ne hol nmò ye bélê le yóm deng monu mò kuy.