Kehewà 23:30 - Udél Dwata: Gna Kesfasad ne Lomi Kesfasad

³⁰ Okóm yó kmou kul yó kem hohon ye yó, ninut lohu lu efet ye deng mból mò nô ta yóm benwu yó.

Kehewà 23:30 Referans Kwoze

Dwata 7:22

Ke deng ye kól ta yóm tonok blayen kuy, angat fen ninut lohen lu bélê ye yó kem tau gel knikò ye. Là hyuhen ke tódô sulék genlà ye lu abay se ke sulék genlà ye lu, ngem, gotu le mból yó kem ógóf lóbô lem bnes ne bè yó se gónó ye glayam.

Juswa 23:4

Deng sket nólólu bè yó kem ból ye klamang nim tonok ni lenwóten bè Él Jurdan fi dmata kdaw efet kól bè Mohin Miditiranyan fi desdef. Yóm kul tonok yó kem tau deng hdó tekuy dalang se yóm kul tonok yó kem tau tolo tebel tahen deng gotu nólólu bélê ye.

Juswa 23:9

Bè yóm khusek ye elem nim benwu ni, deng gotu lo Dwata yó kem tau alì wen ne mbegel senta ye. Laen dù bélê le ke deng le gemmò bélê ye.

Juswa 23:5

Angat kuy se funen nim tonok ni, yakà angat gotu lo Dwata lu yó kem tau tolo nô tahen bè yóm angat khusek ye elemen. Yu se tles nô tahen lómón yóm deng fasad Dwata kuy yóm sana kut Dwata hol gónó mogot.