Kehewà 23:27 - Udél Dwata: Gna Kesfasad ne Lomi Kesfasad

²⁷ Yó kem tau angat mit kuy sfatay gu laan ye là deng gdofì bélê le, eles benlayu lu yóm ksidek klikò le dou. Angat hesbewegu kehedem le ne tódô gotu hlóyu lu.

Kehewà 23:27 Referans Kwoze

Tekang Kbuten 35:5

Bè yóm kdó Jakub ne yó kem ngaen logi bè yó bè Sékém, là kô ktes le kul yó kem tau hmilol bè yó abay se wen tey klikò le lemwót bè Dwata.

Dwata 7:23

Angat gotu blay Dwata lu elem hólól ye yó kem hohon ye yó ne angat gotu hesbewegen lu efet le gotu meglà.

Kem Lingón 18:40

Gotu hlóyem yó kem hohonu. Deng gotu genlau yó kem tau kmutó nawa dou.

2 Tutul Israél 14:14

Gotu genlà yó kem sendalù Juda yó kem syudad hmilol Girar, abay se glumfak yó kem tau bè yó yóm alì klikò le ke Dwata. Hol kimu wen yóm negef le lem yó kem syudad bè yó.

2 Bok Kem Tau Hol Geta 7:6

Abay se deng le gotu mlóy yó kem sendalù Aram lan Dwata hfungol du kul yó kem tey uni klitun tók ne legdeg yó kem kudà, ne uni yó kem tey sendalù wen. Yó mon le, “Deng wen tinok yóm tau hol geta bè Israél mò mundug tekuy. Tinoken yó kem tau hol geta bè yó kem tau Hitayt ne yó kem geta bè Idyip, mung kul yó kem sendalù le.”

1 Samwél 14:15

Ya tey sidek klangaf kesebwól yó kem kdê sendalù Flistin nô bè kamfù le ne yó kem sendalù nô bè lewà gomong yó kem sendalù deng eles mentey bè lan dalang se yó kem sendalù gel hundug le. Yó nmò Dwata, wen linol bong hwiten elem blóng le, ya tey sidek klikò yóm kdê sendalù Flistin.

Kehewà 33:2

Wen hógówu gu bè longit mò tukô gna kuy. Ou se angat hdó kul yó kem tau bè yóm benwu yó, yó kem tau Kananayt ne yó kem tau Amurayt ne yó kem tau Hitayt ne yó kem tau Pirisayt ne yó kem tau Hibayt ne yó kem tau Jibusayt.

2 Samwél 22:41

Gotu hlóyem yó kem hohonu. Gotu genlau yó kem tau mutó do nawa.

Kem Lingón 21:12

Abay se bè yóm kton le du yóm kehdoem du ebélê le yóm kebtulem bohohem, tódô le gotu mlóy.

Kehewà 34:24

Ou se angat hdó kul yóm kdéen tau bè yóm benwu deng fasadu kuy ne bud ou se angat hlamang du yóm benwu ye yó. Kogolen bè yó, laen kô dù tau mundug du yóm benwu ye bè yóm igò le mógów ebéléu tlu dulék sfalay yó kem logi bélê ye na a tmaba ebéléu.

Lista 22:3

ya tey klikoen dalang se yó kem tau snakufen.

Dwata 6:19

ne angat gotu lo ye lu yó kem hohon ye lómón yóm deng fasad Dwata kuy.