Kehewà 23:26 - Udél Dwata: Gna Kesfasad ne Lomi Kesfasad

²⁶ Ke deng ye kól du yóm benwu blayu kuy yó, kdéen libun bélê ye gotu mngà, laen dù bélê le ke gamà ne laen se dù atil. Ne laen se dù tau bélê ye ke ukol towoken.

Kehewà 23:26 Referans Kwoze

Dwata 7:14

Laen dù tau bè klamangen benwu ke tnóbóng Dwata mkél bè yóm któbóngen kuy. Laen dù bélê ye logi duhen ke libun ke là mngaen, dalang se yó kem ógóf ye laen dù bélê le ke là mngaen.

Job 5:26

Angat tey ktahà klowilem. Hol lómón yóm halay, là kô nuta le du efet tilob khulóen.

Dwata 28:4

Angat nuyag Dwata yu anì hol wen ngà ye ne anì hol wen tebas ye. Balù yó kem safì ye ne yó kem ubiha ye tey wen ngà le se kul.

Isaya 65:20

Laen dù bud matay bè yó kem ngà hanà hulô. Ne yó kem tuha, là kóen ukol ktau le. Ke deng lematu halayen yóm tau bè yóm benwu yó, hanà tolo lomi lemnok he. Ke kendel le matay gu laanen, yó se ilô yóm ktafaku kul.

Kem Lingón 144:13

Kólen bè yó kem tebungus me, hol le hnok he. Dalang se yó kem ubiha me bè yóm gónó le mótób, hol le mból he nsóhem bè libuhen, baluen ke nsóhem bè sfolò libuhen.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Tekang Kbuten 35:29

Ne lebeng yó kem lewu ngaen, Iso ne Jakub.

1 Tutul Israél 23:1

Timbow deng tuha Dabid, nmoen Selumun yóm ngaen mò kmamal bè Israél.

Job 42:17

Ne song matay deng tey tuha ne deng tey gsengel klowilen.

Kem Lingón 55:23

Okóm uu, Dwata, angat mbot kul elem lanaw ofi yó kem tau sidek gel nmò le. Kem tau monok ne kem tau smukat, là kô guta le du ktuha le. Okóm dou, són uu snaligu.

Kem Lingón 90:10

Yóm klowil me, olon gefet bè hitu folò halay. Ke wen kgis me, gefet me bè wolu folò halay. Okóm yóm klawi me mowil yó, tey dê gónó me glayam, ne tey dê lenóngón nawa me. Là kóen té yóm klowil me, sana me mfu.

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.