Kehewà 23:25 - Udél Dwata: Gna Kesfasad ne Lomi Kesfasad

²⁵ Són ou yóm gónó ye e tmaba, yóm sana kuy Dwata hol gónó mogot. Ke ni se nmò ye, wen gónóhu tmóbóng kuy anì tendo wen ken ye ne tendo wen él ye. Ne hlayuku bélê ye yó kem des.

Kehewà 23:25 Referans Kwoze

Dwata 7:15

Angat hlayuk Dwata bélê ye yó kem des. Là kô hwiten du ebélê ye yóm des alì knikò deng glan ye bè Idyip, okóm mom hwiten ebè yó kem hohon ye.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Isaya 33:24

Laen kô dù tau bud gemnóm des bè benwu tekuy ne gotu hnifót Dwata yóm kdê salà tekuy. Là gomongen bè nili yóm tsaptér 34. Yó tulónen yóm kmò ktafak Dwata yó kem but tau talak tonok bè yóm gotu keglaen kul. Bè yóm ktafaken kul yó, tódô kmanas yóm longit ne gotu btang yó kem blotik. Bud tulónen yóm alì ksidek kegbà Dwata yóm benwu Idom ne keglaen yó kem tau bè yó lemwót bè yó kem sidek deng nmò le bè yó kem kun tau Israél. Laen kô dù tau bud menwu bè Idom. Yó kmò Dwata du yóm benwu yó mò gónó le nô yó kem ógóf lem bnes ne yó kem onuk bnes kól bè laen dù tul sónen.

Kem Lingón 103:3

Gotu hnifóten kdê salau, ne gotu kóhen kdê desu.

Dwata 7:13

Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

Dwata 10:12

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

1 Samwél 12:20

Yó bud udél Samwél ebélê le, monen, “Bê ye abay hlikò. Balù yóm deng tey kegsalà ye bè Dwata, hol bê ye abay bud knogol Dwata ne hol hewót ye lem but blutut ye yóm klolò ye du.

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Juswa 24:21

Okóm yó balà le ke Juswa yó kem tau, mon le, “Là. Là kô nmò me du yó. Dwata se hol kum lolò yóm sana Dwata hol gónó tekuy mogot.”

Dwata 13:4

Són Dwata hol lolò ye yóm sana Dwata hol kuy gónó mogot, mung du yóm klikò ye du. Hol nimón ye ne lolò ye yó kem deng hlauhen kuy. Tmaba ye ebéléen ne hol ye hteneb mimón du.

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”

Juswa 24:24

Yó bud mon yó kem tau mò ke Juswa, “Tódô lolò me yóm sana kut Dwata hol gónó mogot. Ne nimón me yóm kdê hlauhen kum.”

Malakay 3:10

Hensulék nwit ye ebè dou Gónô dé yóm gesfoloen gel bad ye dou anì tendo wen ken lem yóm dou Gónô. Hol na ye tilów ou dé,” mon yóm Dwata laen dù là gbeken du, “ngem kà tódô hennasu du yó kem tembó beng bè longit ne tódô ludusu ebélê ye yó kem tóbóng, botong laen kô dù bud gónó ye hemsù du.

Isaya 33:16

Ke ni se gel nmò ye, laen kô dù hemen ye. Hol lómón ke nô ye lem yóm gónó heklung mbegel. Laen dù gónó ye élél bè ken ne bè ninum ye.

1 Samwél 12:24

Okóm yake hol wen klikò ye ke Dwata ne hol ye hteneb lemolò du. Hol hendem ye yó kem tey hyu deng nmoen bélê ye.

Danyél 1:15

Tikóng mfu yóm sfolò kdaw, tonen tey hyu kul klówó le Danyél ne yóm tlu kem ween senta yó kem dumu logi mken yóm ken tau hol geta.