Kehewà 23:24 - Udél Dwata: Gna Kesfasad ne Lomi Kesfasad

²⁴ Hol bê ye abay mtud bukol bè kul dwata lennged ne hol bê ye abay gbót tmaba ebélê le ne hol bê ye abay lolò yóm kul gel hlolò bè yóm ktaba le ebélê le. Yó hmou kuy, gotu genbà ye yó kem dwata kéng gel nmò le ne gotu hnugón ye yó kem hehek botu gónó le gel tmaba ebélê le.

Kehewà 23:24 Referans Kwoze

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Lista 33:52

hol gotu lo ye lu yó kem tau nô bè yóm benwu yó. Gotu genbà ye yó kem dwata kéng gel nmò le bè botu ne bè yó kem dumu gel tenwél le. Gotu genbà ye snéen yó kem gónó le gel tmaba ebélê le.

Dwata 12:3

Genbà ye yó kem gónó le gel demsù ne gotu lenusok ye yó kem hehek botu deng hetfing le ebè yóm kul dwata. Nlób ye yó kem hehek nmò le ilô yóm dwata libun le boluyen Asira ne gotu nofok ye yó kem dwata lennged le anì laen dù bud gónó le e tmaba.

Dwata 7:5

Yó gónóm mon, gotu genbà ye lu yó kem kul gónó demsù, lenusok ye yó kem hehek botu deng hetfing le ebè yóm kul dwata lennged. Nofok ye yó kem hehek deng hdà le ilô yóm dwata libun le boluyen Asira ne gotu dnutung ntem ye lu yó kem dwata lenbù deng nmò le.

2 Tutul Israél 33:9

Okóm ke Manasi, deng mom nwiten lu hetlas yó kem tau bè Juda ne kem tau bè Jirusalim. Milud he ksideken yóm kun nmò senta yóm kul nmò yó kem tau deng tehe genlà Dwata ta yóm tonok blayen yó kem tau Israél.

Kehewà 32:20

Tódô nwahen yóm ngà safì tudu nmò le, gotu hnoen ne gotu heblibuen, ominen mbol du él ne gotu hinumen yó kem tau Israél.

Kem Lingón 101:3

Là kóe móyô temngel du kihu yó kem nmò sidek. Tey keklitu du dou yó kem nmò le là tedengen yó kem tau là hemtahu bè Dwata. Là kóe móyô mò du dou yó kem gel nmò le yó.

2 Tutul Israél 33:2

Nmò Manasi yóm sidek bè kton Dwata du, loloen yóm alì kenbê nmò yó kem tau deng hdó Dwata ta yóm tonok blayen yó kem kun tau Israél.

Kehewà 23:32

Hol bê ye abay mit sbilà bélê le, dalang se bè yó kem kul dwata lennged.

Kehewà 23:33

Hol bê ye abay hbenwu lem blóng ye yó kem tau yó. Ke henmóyô ye lu, gemsalà ye béléu lan le mit kuy hlayuk béléu. Ke gbót ye tmaba ebè yó kem kul dwata kéng, yó se gónó ye gholot.”

2 Bok Kem Tau Hol Geta 18:4

Gotu genbaen yó kem gónó le gel tmaba ebè yó kem dwata kéng, ne gotu lenusoken yó kem hehek ilô yó kem dwata kéng le, ne hofoken yóm lennged yóm dwata kéng le boluyen Asira. Gotu lenusoken snéen yóm ulal tembaga tehe nmò Musis, abay se efet bè yóm kdaw yó mo le mom mtem insinsu ebè yóm ulal yó, yó kem tau Israél, yóm bnoluy le Nihustan.

Kehewà 20:3

Bê ye abay tmaba ebè yó kem dumu dwata lennged, són ou.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

2 Bok Kem Tau Hol Geta 17:8

ne deng mom lolò le yóm kul kmò yó kem tau deng tehe hdó Dwata ta yóm tonok deng tehe blayen yó kem tauhen. Bud lolò le snéen yóm tehe tolok le kul yó kem tehe fù le, duhen yó kem gna tau hol geta bè Israél.

2 Bok Kem Tau Hol Geta 17:11

Ne bè yó gónó le mtem insinsu ebélê le, lómón yóm kul gel nmò yó kem tau deng tehe hdó Dwata ta yóm tonok tehe blayen yó kem tau Israél. Tey alì kmò le sidek yó kem tau Israél, yó gónó Dwata alì lembut kul.

2 Tutul Israél 14:2

Sal gel hyu yóm nmò Asa, ne tedeng bè kton Dwata du yóm Dwata hol kun gónó mogot.

2 Tutul Israél 25:14

Bè yóm kulék Amasaya gu bè gida gemmò bè yó kem tau Idom, nwiten mulék yó kem dwata lennged gel tnaba yó kem tau bè Sér. Nmoen lu mò dwatahen ne tmaba ne demsù ebélê le.