Kehewà 23:23 - Udél Dwata: Gna Kesfasad ne Lomi Kesfasad

²³ Yóm hógówu gu bè longit eles tukô gna kuy ne nwiten yu ebè yóm benwu gónó le nô yó kem tau Amurayt ne yó kem tau Hitayt ne yó kem tau Pirisayt ne yó kem tau Kananayt ne yó kem tau Hibayt ne yó kem tau Jibusayt. Ne yó angat nmou bélê le ni kem tau ni angat gotu genlau lu.

Kehewà 23:23 Referans Kwoze

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Kehewà 32:2

Mon Aron se mò kul, monen, “Lenkas ye yó kem blówón tdé yehen ye ne kem ngà ye logi ne kem ngà ye libun ne nwit ye edini béléu.”

Tekang Kbuten 34:2

Tikóng ton Sékém yóm ngà Hamor, yóm tau hol geta bè yó kem tau Hibayt tódô kenfóen, ominen gmaga semtungô du.

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Juswa 9:1

Yóm gel kegmò yó kem tau Israél tey glalag bè yó kem hohon le, botong gefet bè yóm kdê tau hol geta nô fi desdef Él Jurdan. Lu se yó kem tau hol geta bè yó kem tau Hitayt ne bè tau Amurayt ne bè tau Kanan ne bè tau Pirisayt ne bè tau Hibayt ne bè tau Jibusayt. Ni kem tau ni, wen se bélê le nô lem bulul ne wen se bélê le nô gu lem but henfek ne wen se nô hilol Mohin Miditiranyan efet kól ditu senbwak Bulul Libanun.

Juswa 23:9

Bè yóm khusek ye elem nim benwu ni, deng gotu lo Dwata yó kem tau alì wen ne mbegel senta ye. Laen dù bélê le ke deng le gemmò bélê ye.

Kehewà 18:8

Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”