Kehewà 23:22 - Udél Dwata: Gna Kesfasad ne Lomi Kesfasad

²² Okóm ke hol hnungol ye yóm gel monen ne ke hol nmò ye yóm hmou kuy, ou he fen hmohon yó kem hohon ye ne senfatayu yó kem gel semfatay kuy.

Kehewà 23:22 Referans Kwoze

Tekang Kbuten 12:3

Tey angat któbóngu kul yó kem tau gel tmóbóng kóm, okóm tnafaku yó kem tau hemmulà kóm. Ne mlan béléem gónóhu tmóbóng yóm kdéen tau bè klamangen benwu.”

Dwata 30:7

Lemwót yó kem tafak tehe gnóm ye, tódô gotu bud huléken eta yó kem hohon ye alì kmutó nawa kuy ne hemgnok kuy.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Jirimaya 30:20

Yó kem ngà le tey kehyu klowil le lómón yóm gnan ekni. Bud hbegelu yóm benwu le bè soluhu ne angat tnafaku yó kem tau hemsidek kul.

Lista 24:9

Yó kem tau Israél, hol lómón ke yóm liyun alì lóbô. Ke tolo tungô laen dù mlos bemtik du. Yó se tau muyag yó kem tau Israél angat bud nuyag Dwata se kun. Ne yó se tau hemmulà kul angat bud henmulà Dwata se kun.”

2 Tisalunika 1:6

Tey tedeng yóm nmò Dwata bélê ye. Tnafaken yó kem tau hemsidek kuy

Dwata 28:1

Yó bud udél Musis ebè yó kem tau Israél, monen, “Ke hol nimón ye yóm sana kuy Dwata hol gónó mogot ne ke hteneb ye mimón du yóm kdê hlauhen deng tulónu kuy kemdaw ni, angat hegeta Dwata yu senta yó kem dumu but tau talak tonok.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Lista 24:8

Deng nit Dwata lu hewà gu bè Idyip. Du se mit sfatay bè yó kem hohon le, hol lómón kmoen ke safì tudu alì sidek klóbóen. Angat genlaen yó kem hohonen. Gotu tenfoken yó kem tiol le, gotu gentien lu.

Juswa 9:7

Okóm yó mon yó kem tau Israél, “Déke menwu ye moni bè ni. Ke menwu ye moni bè ni, là gbek me du mit sbilà bélê ye.”

Kem Lingón 35:1

Ó Dwata, hol hnohonem yó kem tau hmohon dou. Hol gnidahem yó kem tau mundug dou.