Kehewà 20:8 - Udél Dwata: Gna Kesfasad ne Lomi Kesfasad

⁸ Hol hetfing ye yóm Kdaw Kehegnô ne hol béen abay wen nulé ye bè yó kem hlolou kuy bè yóm kdaw yó.

Kehewà 20:8 Referans Kwoze

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Tekang Kbuten 2:3

Ne wen oluhen du yóm ghituhen kdaw yó, htólóngen mò kun abay se hegnô bè yóm kdaw yó bè yóm kedlimunen du yóm kentihen.

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.

Hlolò 19:30

Hol lolò ye yóm hlolou kuy bè Kdaw Kehegnô ne hol nadat ye yóm gónô gónó ye gel tmaba ebéléu. Ou se yóm hol gónó mogot.

Tekang Kbuten 2:2

Bè yóm ghituhen kdaw là buden mò nmò Dwata, deng gotu deng ne kedlimunen du yóm kentihen.

Dwata 5:12

Hol hetfing ye yóm Kdaw Kehegnô ne hol béen abay wen nulé ye bè yó kem dou hlolò kuy bè yóm kdaw yó. Ou se yóm sana kuy Dwata hol gónó mogot fen hlolò du kuy nim ni.

Nihimaya 9:14

Deng hetfingem bélê le yóm sotu kdaw mò kdaw le hegnô. Ne wen dumu hlauhem kul hlanem bè Musis yóm tau tóbóng lówóhem.

Jirimaya 17:22

Bê ye abay mò nmò bè yóm kdaw yó, yó se kun kdaw Dwata. Deng tehe hlolou yó kem tehe fù ye ekni nim hlau ni,

Jirimaya 17:24

Okóm kuy, ke nimón ye ou mon Dwata, ne ke là hembalù ye bè yóm Kdaw Kehegnô ne ke là mò ye nmò ne ke hol hetfing ye ebéléu yóm kdaw yó,

Kehewà 31:12

Yó bud udél Dwata ebè Musis

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Jirimaya 17:21

Ni se udél Dwata, hol hnungol ye yóm eles hetgamahu kuy anì mowil ye. Bè yóm Kdaw Kehegnô, hol bê ye abay nwit ebè yó kem bak tikeb bè Jirusalim yó kem gel hbalù ye.