Kehewà 20:7 - Udél Dwata: Gna Kesfasad ne Lomi Kesfasad

⁷ Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Kehewà 20:7 Referans Kwoze

Dwata 5:11

Bê ye tódô fà moluy du yóm dou boluy. Yakà ou du yóm sana kuy Dwata hol gónó mogot. Tnafaku yóm tau tódô faen moluy du yóm dou boluy.

Hlolò 19:12

Ke wen fasad ye, hol bê ye abay safà boluyu. Ke là dnohò ye du, olo ye hemyak yóm dou boluy. Ou se yóm sana kuy Dwata hol gónó mogot.

Sulat Jim 5:12

Nim sotu hlolou kuy ni, tey bong muhen bè kdéen, kem dumuhu setwoli. Ke wen senfasad ye, bê ye gel safà longit duhen ke tonok ne ke wen dumu gónó ye smafà. Ke tahu se, tódô monem tahu. Ne ke là tahuhen, tódô monem là. Ke ni se nmò ye, là kô tnafak Dwata kuy.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Juswa 9:20

Là gbek tekuy du ke là hlowil tekuy kul, yakà deng wen yóm safà nmò me bélê le. Ke nulé tekuy tnafaken tekuy Dwata.

Juswa 2:17

Yó mon le mò ke Rahab yó kem logi yó koni, “Angat dohò yóm fasad me kóm.

Juswa 2:12

Ne ni smafà ye do bè yóm kuy Dwata yó, hol nmò ye bè yó kem fes lówóhu yóm hyu deng nmou bélê ye. Mò ye do ilô mò gónóhu smalig kuy.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

2 Kurin 1:23

Yó gónóhu là dohò slob bélê ye bè Kurin bè yóm tehe kógówu, abay se là kóyóu du ke wen gónóhu mudél kuy. Tódô ton Dwata se ke kéng nim monu ni koni. Gotu tngónen se yóm nô bè nawahu.

1 Bok Kem Tau Hol Geta 2:9

Okóm yóm safà yó, sundu mon ke laen dù salaen. Tauhi hulung hedem se kóm, tngónem yóm angat kmò khatayem du.”

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

2 Bok Kem Tau Hol Geta 5:20

yó hendem Gihasi, yóm tau tóbóng lówó Ilaysa, “Tódô kem hewóten Naaman yóm tau lemwót bè Aram, yóm amohu là kô dog henmóyóen du yóm tô blayen du. Mlan bè boluy yóm Dwata là matayen na ktes dé anì wen nwahu béléen.”

Kem Lingón 139:20

Sidek udél le gbak ebéléem. Sidek kebkó le ebè boluyem.

Tekang Kbuten 27:20

Mon Isak se, “Tey klahil kebelem utón ni du ngà.” Mon Jakub se, “Yóm Dwata gónóm mogot tmóbóng dou mebel du.”

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.