Kehewà 20:5 - Udél Dwata: Gna Kesfasad ne Lomi Kesfasad

⁵ Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Kehewà 20:5 Referans Kwoze

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Dwata 5:9

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Dwata 4:24

abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

Kehewà 34:14

Béen abay wen bélê ye tmaba ebè yó kem kul dwata abay se tey sidek kélés nawahu du ke wen dwata lennged gónó ye tmaba.

Juswa 24:19

Yó bud udél Juswa ebè yó kem tau, monen, “Ngunte nim yu ke gbek ye lemolò ke Dwata. Tódô tngón ye se, du se yóm Dwata laen dù belenen ne tey sidek kélés nawahen du ke wen dumu dwata tnaba ye. Ne ke kenbê ye, là kô nan e hnifót kuy.

Kem Lingón 109:14

Hol là kô klifót Dwata du he yó kem salà yó kem tehe fuen, ne hol là lanahen bè lista he yó kem salà yéen.

Juswa 23:7

Ke ni se nmò ye, là kô gbek ye du mit sbilà bè yó kem tólóng tau dù tebel ta nim tonok ni. Yó kem kul dwata lennged, balù olo moluy yóm kul boluy hol bê ye abay nmò. Là se hyuhen ke hlan ye bè boluy le ke mò ye fasad. Hol bê ye abay tmaba ebélê le ne bê ye abay mni tóbóng bélê le.

Dwata 6:15

Ke tmaba ye ebè yó kem dumu dwata kéng, lenbuten yu Dwata. Ne yóm kebuten kuy yó hol lómón ke mken ebélê ye yóm tey ofi, gotu sulék genlaen yu. Abay se yóm Dwata tendo gel nô bélê ye, du se yóm sana kuy Dwata hol gónó mogot ne tey sidek kélés nawahen du ke wen dumu dwata lennged tnaba ye.

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Jirimaya 32:18

Tey bong nawahem tau ne tey hyu kmoem ebélê le yó kem hilu libuhen kwen le, okóm gel tnafakem yó kem ngà le lemwót bè salà yó kem tuha le. Uu se yóm Dwata hol geta alì mfasang, yóm Dwata laen dù là gbeken du.

Lista 14:33

Yó kem ngà ye, nan fat folò halay kegen le smidok menwu lem nim benwu laen hol wen tauhen ni lan le mbô yóm là kgulit ye. Smidok le menwu efet ye deng gotu matay yu kem tau là mimón ke Dwata.

Kem Lingón 79:8

Béem abay hbô kum yó kem salà nmò yó kem tehe fù me. Hol géhél knoduhem mi, laen dù bud nefet nawa me ne ni.

Kehewà 23:24

Hol bê ye abay mtud bukol bè kul dwata lennged ne hol bê ye abay gbót tmaba ebélê le ne hol bê ye abay lolò yóm kul gel hlolò bè yóm ktaba le ebélê le. Yó hmou kuy, gotu genbà ye yó kem dwata kéng gel nmò le ne gotu hnugón ye yó kem hehek botu gónó le gel tmaba ebélê le.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Sulat Pol Ebè Yó Kem Tau Hemtahu Bè Rom 1:30

ne tey gel sidek kestulón le kem dumu le. Tey knutó nawa le Dwata, ne tódô gel nfà le kem dumu le. Tey kehton le salù. Hono kem tau heklabak. Sónmò le matul kmò le sidek. Sotuhen, là dog nimón le yó kem tuha le.

Jirimaya 2:9

Yó gónóm mon angat nwitu yu bè kukum, ngangu dmuón kuy efet kól bè yó kem angat lugod ye. Ou se yóm sana Dwata hol gónó mogot nim mudél ni.

Isaya 44:19

Yóm tau mò du yóm dwata lennged yó, là kô dog getnefen du yóm nmoen. Là kô gbeken mon du, “Wen se bè yóm koyu ni mò snuku gónóhu tmógó ken ne gónóhu tmétê utón anì gemkene. Bong yóm sfuhen nmou dwatahu. Ngem ni, mtude bukol bè yóm sfu koyu snuku.”

Isaya 44:15

Wen nwa yóm tau bè yóm koyu néléken mò snuken. Bong yóm sfuhen mò dwatahen. Wen se nahen du mò snuken ofi mò gónóhen mnalang ne mò gónóhen tmógó kenen. Lemwót sfuhen nmoen dwatahen mò gónóhen gel e tmaba.

Kem Lingón 81:15

Yó kem tau kmutó nawa ke Dwata, gotu le hegdungul bè soluhen lemwót bè klikò le, ne laen kô dù tul sónen yóm ktafaken kul.

Job 5:4

Tódô gbayà yó kem ngaen, laen kô dù gónó le e mlóy. Balù sotu ke wen mfi kul bè gónô skukum.

2 Bok Kem Tau Hol Geta 23:26

Balù yó he, sana tolo tey kebut Dwata yóm benwu Juda lemwót bè yóm sidek tehe alì nmò Manasi, ne là kô tenfloken du yóm kebuten yó.

1 Bok Kem Tau Hol Geta 21:29

“Tonem kô yóm tey keheglaan Ahab béléu? Lemwót bè nim nmoen ni, laen dù heglumfaku du bè yóm klawihen mowil. Bè yó he bè kul kdaw yó kem ngaen gónów mò du. Angat gotu hnatayu yó kem fes lówóhen ne yó kem semfu gu béléen.”

Dwata 32:21

Deng hélés le nawahu bè yó kem dwata kéng gel tnaba le. Hebut le ou bè yó kem dwata lennged laen mu. Bè nim nmò le ni, gónóhu hélés nawa le mlan bè któbóngu yó kem tólóng but tau. Hebutu lu bè któbóngu yó kem tau là hulung le hedem.

Dwata 7:10

Okóm là kô gbeken du ke là géhél tnafaken kul yó kem tau kmutó nawa du.

1 Kurin 10:22

Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

Kun Snulat Jan 15:18

Bud mon Jisas mò kul, “Bê ye tennga yóm kutó nawa le kuy yó kem tau là hemtahuhen. Tódô tngón ye se deng gegna yóm kutó nawa le do.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Matyu 4:9

Mon Seitan mò ke Jisas, “Gotu hogotu kóm yóm kdéen ni, syan ke mtudi bukol bè soluhu, ne ke béléu gónóm kmulu.”

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

2 Tutul Israél 25:14

Bè yóm kulék Amasaya gu bè gida gemmò bè yó kem tau Idom, nwiten mulék yó kem dwata lennged gel tnaba yó kem tau bè Sér. Nmoen lu mò dwatahen ne tmaba ne demsù ebélê le.

Kmukum 2:19

Okóm ke deng matay yóm tau malak kul yó, bud senfulék yó kem tau Israél yóm sana kul lan ne mom milud he ksideken yóm kul nmò senta yóm kul ksidek nmò yó kem tau gna bélê le. Mom yó lolò le yó kem dumu dwata lennged ne tmaba le ebélê le ne mtud le bukol bè solu le. Là móyô le mkó du yóm sidek gel nmò le ne yóm alì kgel kulu le.

Juswa 23:16

Ke nulé ye yóm deng senfasad ye Dwata ne ke tmaba ye ebè yó kem dumu dwata kéng ne demsù ye ebélê le, tey sidek kbuten kuy yóm sana kuy Dwata hol gónó mogot ne angat tey ktafaken kuy. Là kóen legen gotu ye mekfung ta nim tey tonok hyu deng blayen kuy.”

Dwata 32:41

Néhéku sudengu, yóm sudeng tódô smilà, naw hegfan dé yóm kukum tedeng. Bnelesu lu yó kem hohonu, ne tnafaku yó kem kmutó nawa dou.

Kun Snulat Jan 9:2

Ne snólók le bè Jisas yó kem gel lemolò du, mon le, “Ó Sér, moen ke butô lemwót bè ksuten nim tau ni? Mahi du yóm wen salaen, du kô, duhen ke yó kem tuhahen?”

Dwata 5:10

Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”

Isikél 18:19

Okóm yóm gel snólók ye yóm mon ye, ‘Moen de kun yóm ngà logi yóó ke là megtafaken lemwót bè yó kem salà tehe gel nmò maen?’ Là gi. Yóm ngaen logi yó, lemwót bè yóm fen kmoen du yóm tedeng ne yóm kgulit tendo kloloen du yó kem dou hlolò kul, yó se lowilen.

Lista 25:11

“Lemwót bè yóm nmò Finihas, yó gónóhu là bud lembut kul ne yó kem tau Israél. Tey sidek kekbéen du se kun ke wen dumu dwata kéng hentahu yó kem tau. Lemwót bè yóm nmoen yó, yó gónóhu là hemsulék gemlà kul yó kem tau Israél mlan bè yóm tey sidek kebutu kul.

2 Bok Kem Tau Hol Geta 5:18

Okóm Dwata he hol hmifót dou bè yóm sotu gel nmou bè yóm gel kmungu yóm amohu bè yóm gel kógówen ebè gónô yóm kun dwata lennged boluyen Rimun, ne tmaba ebéléen igoen mogot bè sigelu, ne tódóe mung bè yóm ktuden uyóhen bè seel. Bè yóm nmou yó, Dwata he hol hmifót dou.”

2 Bok Kem Tau Hol Geta 5:27

Lemwót bè nim nmoem ni, mili ebéléem ne bè yó kem sfuhem yóm des Naaman, ne laen dù sónen yóm kegnóm ye du.” Ominen lemwót Gihasi, tódô gnómen se yóm des Naaman, ne tódô bukay kuliten.

2 Tutul Israél 7:19

Okóm ke knogolem ou, ne ke là nimón ye du yó kem dou hlau kuy ne yó kem dumu dou hlolò kuy, ne ke tmaba ye ebè yó kem dwata kéng,

Isikél 18:2

“Wen yóm sotu udél hlalak hbak ye ebè Israél, yóm monen, ‘Kem tuha mken du yóm bungu grép msom, okóm kem ngà le fen nilów du.’ Moen ke tendo sensulit ye yóm udél yó?

Danyél 3:18

Okóm baluen he ke là tnóbóngen kum, là kô me móyô hemtahu bè yóm kóm dwata duhen ke tô me tmaba ebè yóm lennged blówón deng hdaem.”