Kehewà 20:4 - Udél Dwata: Gna Kesfasad ne Lomi Kesfasad

⁴ Bê ye abay mò yó kem dwata lennged lemwót bè yóm gel ton ye gu bè longit duhen ke gu te tonok duhen ke gu lem él laan tonok.

Kehewà 20:4 Referans Kwoze

Dwata 5:8

Bê ye abay mò yó kem dwata lennged mkél bè yóm gel ton ye bè longit duhen ke te tonok duhen ke lemwót bè él.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Hlolò 19:4

Bê ye abay knogol ou ke tô lan ye tmaba ebè yó kem dwata lennged. Bê ye abay temwél yó kem dwata lennged ke mò gónó ye tmaba. Ou se yóm sana kuy Dwata hol gónó mogot.

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’

Deng Hegfan 16:2

Tahu se. Lemwót yóm tanay hógów Dwata koken yóm kun tukung ete tonok. Ne tódô sen-gengen se yóm tey bkukang alì sidek kdesen gotu gnóm yó kem tau deng nô bélê le yóm kun ilô yóm lóbô tehe tanay sut, ne yó kem deng hemtahu bè yóm lennged tehe hmoen.

Sulat Pol Ebè Yó Kem Tau Hemtahu Bè Rom 1:23

Là kô dog hentahu le du yóm Dwata laen dù tul katayen. Deng mom yó hentahu le yóm dwata kéng kul lenbù nmò. Wen heskél le bè tau, igoen mahil matay yóm tau. Wen se heskél le bè onuk koyu, wen se bè ógóf, wen se bè ulal.

Isaya 45:16

Yó kem tau gel mò dwata lennged, tey sidek kyak le yóm kdê le.

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Isaya 42:17

Okóm yó kem tau smalig bè dwata lenbù nmò ne hentahu le lu mò dwata le, angat tey kehyaku kul ne heglaanu lu.”

2 Tutul Israél 33:7

Nim Manasi ni, balù yóm dwata lennged tehe nmoen, deng mom suen lem Gónô Dwata, bè yóm Gónô tehe mon Dwata mò ke Dabid ne yóm ngaen Selumun, “Nim Gónóu ni, ne nim syudad Jirusalim ni, deng néléku bè kdéen ból Israél mò mit yóm dou boluy kól bè laen kô dù tul sónen.

1 Bok Kem Tau Hol Geta 12:28

Duhen yó, lemwót bè yóm kehlau le du yó kem tau gel hmau du, wen lewu safì tahu blówón nmò Jirubuam. Yó monen mò yó kem tau, “Ó kem tau Israél, bê ye abay bud hliteg mógów ebè Jirusalim ne na a tmaba Dwata bè yó. Ni dé yó kem dwata lennged tehe lemwà kuy gu bè Idyip.”

Kehewà 34:17

Béen abay wen bélê ye mò yó kem dwata lennged tenwél le ne hol bê ye abay tmaba ebélê le.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Kehewà 32:23

Yó mon le mò do, ‘Là kô tngón me du ke tedu deng gefet bè Musis yóm tau mit kum hewà gu bè Idyip. Yó hyu ke moi bélê me dwata lennged mò malak kum.’

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

2 Bok Kem Tau Hol Geta 17:12

Tmaba le ebè yó kem dwata lennged igò Dwata deng hónô mon du mò kul, “Hol bê le abay tmaba ebè yó kem dwata kéng.”

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”