Kehewà 20:2 - Udél Dwata: Gna Kesfasad ne Lomi Kesfasad

² “Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Kehewà 20:2 Referans Kwoze

Dwata 5:6

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Kem Lingón 81:10

Yakà ou du yóm sana kuy Dwata hol gónó mogot, yóm deng lemwà kuy gu bè benwu Idyip. Hol ye mnanga anì naw hol henken yu.

Hlolò 19:36

Timbangem yóm timbang là kmulangen ne yóm btes tahu btes. Ou se yóm sana kuy Dwata hol gónó mogot yóm deng mit kuy hewà gu bè Idyip.

Dwata 7:8

Okóm kenbong nawa Dwata yu ne là gbeken du ke là hendohoen du yóm tehe fasaden yó kem tehe fù ye. Yó se gónón lemwà kuy mlan bè yóm tey kegbeken, lenwaen yu bè yóm keghesek ye bè Faro bè Idyip.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Hlolò 23:43

Yó gónó ye mò du yóm yó anì tngón yó kem lugod ye yóm tehe knô le bè slung yó kem fù le ekni bè yóm tehe kehewà Dwata kul gu bè Idyip. Du se yóm sana kuy Dwata hol gónó mogot.”

Dwata 13:10

Tódô hnatay sentudà ye botu. Yóm nmoen yó, tô niten yu hlayuk bè Dwata yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Kem Lingón 50:7

Yó udél Dwata, monen, “Hol hnungol ye ou, kem dou tau, wen udélu ebélê ye. Ou se Dwata yóm hol kuy Dwata. Ni se yó kem duónu kuy, kem tau Israél.

Sulat Pol Ebè Yó Kem Tau Hemtahu Bè Rom 10:12

Yóm Udél Dwata yó, laen kô dù tau ke là gomongen lemen, abay se laen kô gónó le stólóng yó kem Ju bè yó kem tau là Ju le. Tek sotu se yóm gónóhen mogot yóm kdéen tau, duhen Jisas Krays. Kihu tau tmaba béléen, sal sket gel tnóbóngen lu.

Sulat Pol Ebè Yó Kem Tau Hemtahu Bè Rom 3:29

Déke wen mon du, són kem tau Ju nogot Dwata, fen là yó kem tau là Ju le. Là kô yó du.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 15:13

Tey tilob kalakem kul yó kem tau deng lenwaem, hol lómón yóm tehe fasadem kul. Mlan bè kgisem gónóm gemwit kul ebè yóm kóm tonok deng tehe fasadem kul.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Kehewà 20:1

Omin Dwata mudél ebè yó kem tau, monen,

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Isaya 43:3

Yakà ou du yóm kuy Dwata, yóm hol gónó mogot, yóm Dwata yó kem tau Israél, yóm Dwata laen kô dù belenen, yóm gel lemwà kuy. Yó mò soku kuy, yóm benwu Idyip, tnuu du yó kem benwu Sudan ne Siba.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Amus 2:10

Ou se tehe hewà kuy gu bè Idyip ne fat folò halayu malak kuy gu lem yóm benwu laen hol wen tauhen ne hfunu kuy yóm tonok yó kem tau Amurayt.

Kmukum 6:10

Deng tehe tulónu kuy ou se yóm sana kuy Dwata hol gónó mogot. Hol bê ye abay tmaba ebè yó kem kul dwata kéng yó kem tau Amurayt, yó kem tau tehe menwu ta nim tonok gónó ye nô ni. Okóm là kô hnungol ye do.’ ” Yó se udélen ebélê le yóm tugod Dwata.

1 Bok Kem Tau Hol Geta 18:39

Timbow ton yó kem tau nim ni, tódô le gotu lemfen bè tonok, mon le, “Dwata se yóm hol tahu gónó mogot. Yóm hol gónó mogot hol tahu Dwata.”

2 Bok Kem Tau Hol Geta 17:7

Yó gónón lómón ni gfà le yó kem tau Israél, lemwót bè yóm deng kegsalà le bè yóm sana kul Dwata hol gónó mogot, yóm deng lemwà kul lem hólól Faro yóm tau hol geta bè Idyip gónó le ghesek. Deng le mom tmaba ebè yó kem dwata lennged,

2 Bok Kem Tau Hol Geta 17:12

Tmaba le ebè yó kem dwata lennged igò Dwata deng hónô mon du mò kul, “Hol bê le abay tmaba ebè yó kem dwata kéng.”

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Kem Lingón 81:11

Okóm là, là kô dog hnungol le dou yó kem dou tau. Là kô dog kenmón le dou yó kem tau Israél.