Kehewà 20:19 - Udél Dwata: Gna Kesfasad ne Lomi Kesfasad

¹⁹ Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Kehewà 20:19 Referans Kwoze

Dwata 18:16

Abay se ni yóm tehe hni ye bè yóm kdaw tehe gotu kesbung ye bè but Bulul Sinay. Tey kehkodu ye béléu anì là bud gungol ye du yóm udél Dwata ebélê ye ne anì là bud ton ye du yóm tey kdilófen abay se likò ye, déke matay ye.

Kul Nmò 7:38

Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Glasya 3:19

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.

Kehewà 33:20

Là htonu du kóm yóm uyóhu abay se laen dù deng tau mton do ke bud mowil.

Dwata 5:5

Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Hibru 12:19

Ne tódô gungol le yóm tey uni féw bong, ne sen-geng gungol le se yóm udél Dwata. Bè yóm kungol le du, ya tey sidek klikò le, botong le hkodu bè Musis anì béen bud mudél ebélê le Dwata.

Tekang Kbuten 3:10

Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”