Kehewà 20:18 - Udél Dwata: Gna Kesfasad ne Lomi Kesfasad

¹⁸ Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 20:18 Referans Kwoze

Jirimaya 23:23

Ou se yóm Dwata nô bè klamangen, là tek sotu benwu du yóm gónóhu nô.

Tekang Kbuten 3:10

Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Dwata 5:5

Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

Dwata 5:25

Okóm ni tey sidek klikò me du yóm ofi yó tódô gotu genlaen mi. Tódô eles gnóm me gotu me matay ke bud gungol me udél yóm sana kut Dwata hol gónó mogot.

Dwata 18:16

Abay se ni yóm tehe hni ye bè yóm kdaw tehe gotu kesbung ye bè but Bulul Sinay. Tey kehkodu ye béléu anì là bud gungol ye du yóm udél Dwata ebélê ye ne anì là bud ton ye du yóm tey kdilófen abay se likò ye, déke matay ye.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Tekang Kbuten 15:17

Timbow deng lemneb kdaw ne deng kifu, tódô ton Abram yóm kkuleng ofi tendo kmebel ne wen solok mung du mlan gu lem blóng yó kem ógóf sendolol hlasaen bè yó.

Dwata 5:23

Bè yóm tehe tódô ketfengen ofi yóm Bulul Sinay, tódô gungol ye yóm udél Dwata gu lem yóm tey mget kifu, lemwót yó kem tau malak kuy bè ket ból ye mógów ebéléu

Dwata 5:27

Duhen ni, Musis, budi mulék ebè Dwata ne hol hnungolem yóm kdê tulónen kóm, yóm sana kut Dwata hol gónó mogot. Ominem bud mulék ebélê me ne tulónem kum yóm kdê tulónen kóm. Hnungol me uu ne nimón me.’