Kehewà 20:14 - Udél Dwata: Gna Kesfasad ne Lomi Kesfasad

¹⁴ Bê ye abay mdà yehen.

Kehewà 20:14 Referans Kwoze

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Dwata 5:18

Bê ye abay mdà yehen.

Sulat Pol Ebè Yó Kem Tau Hemtahu Bè Rom 13:9

Yó monen bè hlau Dwata, monen, “Bê ye abay mdà yehen. Bê ye abay monok. Bê ye abay mnagaw. Bê ye abay mófô.” Ni kem hlau monu ni, ne yó kem dumu hlau snulat le, tek sotu nefeten, duhen yóm monen bè yóm sotu hlau, monen, “Hol kenbong ye nawa kem dumu ye tau lómón yóm kbong nawa ye yóm kuy knô.”Abay se ke bong nawa ye kem dumu ye, là kô gbek ye hemsidek kul. Yó gónóm mon, ke bong nawa ye kem dumu ye, deng gotu glolò ye ne yóm kdê hlau Dwata.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

2 Samwél 11:27

Tikóng deng yó kem kdawen langag, omin Dabid hangay du, nwiten ebè gónô bongen ne yehenen, ne wen ngaen béléen logi. Okóm yóm deng nmò Dabid yó, tey sidek bè kton Dwata du.

Matyu 19:18

Mon yóm tau yó, “Hlau du de, Sér?” Bud mon Jisas se, “Béi monok. Béi mdà yehen. Béi mnagaw. Béi tmifù kéng.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Sulat Jim 2:11

Yakà deng mon Dwata du bè yóm hlauhen, monen, “Béem ndà yehenem.” Ne sotu bud monen, “Béi monok.” Anien se he ke là ndaem yehenem, okóm ke dengi monok, deng uu se tau mulé du yóm hlau Dwata.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”