Kehewà 20:12 - Udél Dwata: Gna Kesfasad ne Lomi Kesfasad

¹² Hol nadat ye mà ye ne yê ye anì tahà ktau ye ta yóm tonok blayu kuy.

Kehewà 20:12 Referans Kwoze

Kulasi 3:20

Ne yu kem ngà, lemwót bè yóm deng kehtahu ye, hol gel nimón ye kem tuha ye anì hyu nawa Dwata ebélê ye.

Dwata 5:16

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Mark 7:10

Ngem yóm hlau Musis ekni, yóm monen, ‘Nadatem maem ne yéem.’ Ne sotuhen, ‘Yóm tau ke sidek kudélen ebè maen ne yéen, tódô hnatay kmò du.’Okóm yóm kuy gel ktolok,” mon Jisas, “là kóen sidek kun ke mon tekuy bè kem tuha tekuy, ‘Yóm tô blayu kuy, Kurban.’ Yó lanen yóm udél yó, deng ke Dwata ne.

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Kun Snulat Luk 18:20

Deng tngónem se yó kem hlau Dwata, yóm monen, béi mdà yehen, béi monok, béi mnagaw, béi tmifù kéng, nadatem maem ne yéem.”

Matyu 19:19

Nadatem maem ne yéem. Kenbong nawahem kem dumuhem lómón kbong nawahem yóm kóm knô.”

Kem Udél Hlalak Tehe Selumun 20:20

Matay se kun yóm tau tnuleden kem tuhahen, lómón yóm solok mlef lem gónón mget kifu.

Mark 10:19

Deng tngónem se yó kem hlau Dwata, yóm monen, ‘Béi monok. Béi mdà yehen. Béi mnagaw. Béi tmifù kéng. Béi lemugi. Nadatem maem ne yéem.’ ”

Dwata 32:47

Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”

Kem Udél Hlalak Tehe Selumun 3:16

Yó bunguhen yóm khulung hedem htahaen ktauhem, benlayen u kendengen ne kegdóyón.

2 Bok Kem Tau Hol Geta 2:12

Bè yóm kton Ilaysa du yóm deng kbatun Ilaydya yó, botong lemangat, monen, “Ó Mà, ó Mà, tonu yó kem klitun tók yó kem tau Israél ne yó kem tau mit kudà demyol kul.” Okóm timbow lana lem matahen Ilaydya, botong kenséen bè gónón sóól yóm nes lafin ta gel leseken, botong ksidek kegnómen du.

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Kem Udél Hlalak Tehe Selumun 30:11

Wen se kem tau tnuled le kem mà le ne là se dóyón le kem yê le.

Kem Udél Hlalak Tehe Selumun 28:24

Yóm tau mnagaw bè kem tuhahen ne monen là kô salà du hol lómón ksideken yóm nmoen yó lómón ksidek yóm kul kmò yó kem tau gemlà.

Kem Udél Hlalak Tehe Selumun 15:5

Yóm tau book hennéen hlau kem tuhahen, okóm yóm tau hulung milô kenmónen yóm kbólów le du.

1 Bok Kem Tau Hol Geta 2:19

Tahu se, mógów ebè Selumun Batsiba bè yóm tau hol geta nan e tulón du yóm nóyô Adunadya. Bè yóm kton tau hol geta ke yéen, tódô hebkó mdà bè yóm gónón myón kmamal anì senlongen, ominen hegdufok ebè seel bè soluhen botong kadaten du. Ominen bud semfulék ebè yóm gónón myón kmamal, ne hwa sotu bangkù, ne hyónen yéen bè yó bè kwananen.

Hlolò 19:32

Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

Ifisus 5:21

Hol tekuy hfulung heglaan bè kem dumu tekuy lemwót bè kadat tekuy ke Krays.

Dwata 4:26

Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Dwata 6:2

Bè yóm klawi ye mowil dalang se yó kem semfu gu bélê ye hol knikò ye Dwata, yóm sana kuy Dwata hol gónó mogot ne hol nimón ye yóm kdê hlauhen tulónu kuy ni. Ke ni se nmò ye angat tahà ktau ye.

Dwata 27:16

‘Hol tnafak Dwata yóm tau là nadaten ke maen ne yéen.’ Ne kdéen tau gotu hem-el du, mon le, ‘Tahu yó.’

Kem Udél Hlalak Tehe Selumun 17:6

Yó kem tuha salù le yó kem témê le ne yó kem ngà salù le yó kem tuha le.

Jirimaya 35:7

Ne bê ye se abay hdà gónô. Bê ye abay mò hulu ne mulu grép. Són bè kamfù gónó ye nô se kuy. Ke lolò ye nim hlolou kuy ni, angat tahà ktau ye ta nim tonok ni lelen hyu klowil ye.’

Jirimaya 35:18

Ominen wen tulón Jirimaya bè yó kem sfu Rikab, monen, “Ni se udél yóm Dwata laen dù là gbeken du yóm Dwata yó kem tau Israél, monen, Deng tey tilob kimón ye du yóm fù ye Jihunadab, gotu lolò ye yóm kdê hloloen kuy.

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.

Tekang Kbuten 50:12

Tódô gotu nmò yó kem ngà Jakub yóm tehe mon mà le mò kul.

Rut 3:6

Ne tahu se, yóm kifu yó lemwót Rut ebè yóm gónó Buas kmusu, gotu loloen yóm deng hlau tuónen du.

1 Samwél 22:3

Kewót Dabid bè yó mógów ebè Mispa yóm benwu snakuf Muab ne yó hnihen bè yóm tau hol geta, monen, “Ke yó dum hyu béléem, móyói kô ke na le hlun nô bè ni yó kem tuhahu efet deng tngónu yóm angat nmò Dwata béléu?”