Kehewà 20:10 - Udél Dwata: Gna Kesfasad ne Lomi Kesfasad

¹⁰ okóm yóm kdaw ghituhen yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem, duhen ke kem tau milo nô bè yóm kuy benwu, hol bê le abay mò nmò.

Kehewà 20:10 Referans Kwoze

Kehewà 34:21

Wen nem kdaw ye mò du yóm kuy nmò. Okóm yóm ghituhen kdaw hol bê ye abay mò nmò, baluen ke bang kdaw ye dmadu duhen ke bang kdaw ye muta.

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Kehewà 31:13

tulónem yó kem tau Israél, monen, “Hol hetfing ye yóm Kdaw Kehegnô, yó se yóm dou kdaw yakà yó du yóm mò ilô yóm klaen dù sónen yóm kesfasad tekuy mò gónó ye hemtulón du nawa, ou se yóm hol gónó mogot yóm gel hólós kuy.

Kehewà 16:26

Nem kdaw ye ma ken mò ken ye. Okóm bè yóm ghituhen kdaw yó se yóm Kdaw Kehegnô, laen dù tagad bud ton ye ken he.”

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.