Kehewà 2:6 - Udél Dwata: Gna Kesfasad ne Lomi Kesfasad

⁶ Ne tahu se. Bè yóm kkólen béléen, tnukéhen yóm kfilù yó, tódô tonen se yóm ngà logi hanà udì nô lemen bede mkik. Tey kkoduhen du. Yó monen, “Ngà logi Hibru nim ni.”

Kehewà 2:6 Referans Kwoze

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

Kul Nmò 7:21

Timbow sù le lem bnes, tódô ton yóm ngà libun yóm tau hol geta bè Idyip, ne niten ebè gónóen. Tódô lemnok béléen Musis, lómó kmoen du, lómón ke hol kun ngà.

1 Bok Kem Tau Hol Geta 8:50

Hol hnifótem kdê yó kem salà deng nmò le béléem, ne kdê yó kem gónó le matù kóm. Henbalingem lu tau knodu yó kem hohon le,

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kehewà 2:5

Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen.

Kehewà 2:7

Ominen tódô hesut se yóm twoguhen libun yóm ngà yó, monen mò du, “Móyói kô ke mebele béléem libun Hibru mò htutù du béléem nim ngà ni?”

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”