Kehewà 2:24 - Udél Dwata: Gna Kesfasad ne Lomi Kesfasad

²⁴ Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 2:24 Referans Kwoze

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Kem Lingón 105:42

Abay se là kô klifóten du yóm deng fasad mget tehe nmoen bè Abraham yóm kun tau tóbóng lówó.

Kehewà 6:5

Ne ni, deng gungolu yóm alì ktaba le ebéléu yó kem tau Israél, yó kem tau alì hesek yó kem tau Idyip. Ne gtulón nawahu yóm tehe kesfasad me le Abraham, yó kem tehe fù le.

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

Kem Lingón 102:20

nan e hnungol dolong yó kem tau blanggù, nan e lenwà yó kem tau deng kukum le kul hatay.

Kem Lingón 22:24

Là kô tódô bayaen kul yó kem tau élél, sal gel kenmónen lu ke wen gónó le glayam. Là kô knogolen kul, mom bnalaen lu ke tmaba le ebéléen.”

Kem Lingón 138:3

Bè yóm gel knihu béléem, gel bnalaem o. Sal gel ten-gelem nawahu mlan bè kehekgisem dou.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Kem Lingón 22:5

Tmaba le ebéléem, ne gewà le bè yó kem gfà le. Tey kegléd nawa le kóm, ne laen kô gónó le gsel du.

Kmukum 2:18

Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Kem Lingón 79:11

Hol hnungolem yóm dolong yó kem kóm tau deng negef. Móyón hnatay le lu, géhél lenwaem lu mlan bè yóm tey kegebekem.

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Kul Nmò 7:34

Bud mon Dwata mò du, ‘Deng tonu yóm alì keglayam yó kem dou tau bè Idyip, gefet béléu yóm alì tnalaw le. Yó gónóhu mnaul elaan anì lenwau lu. Géhéli ne,’ mon Dwata, ‘angat hógówu uu etu bè Idyip.’Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Tekang Kbuten 8:1

Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 16:11

Angat wen ngaem logi ne boluyem du Ismaél abay se deng gungol Dwata yóm kkikem lemwót bè yóm alì ksidek kegnómem du.

Tekang Kbuten 22:16

“Ni wen hol fasad mget fasadu kóm hlanu bè boluyu. Ou se Dwata mon du nim ni. Lemwót bè yóm deng nmoem ni, yóm là kngalihem du dou yóm tek sotu ngaem, tendo tnóbóngu uu.

Tekang Kbuten 26:2

Yó gónó Isak mógów ebéléen, abay se deng hegfan béléen Dwata ne deng monen mò du, “Ó Isak, béi abay mógów ebè Idyip na a mebel ken ditu. Tódói nô bè ni bè Kanan yóm benwu gónóhu hemsù kóm.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 35:12

Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Lista 20:16

Ne yó nmò me, tey kehkodu me bè Dwata anì tnóbóngen mi. Ne tahu se, gungolen yóm kehkodu me yó, yó gónón wen hógówen gu bè longit hwiten ebélê me mò malak kum hewà gu bè Idyip. Ne ni kmoen ni, deng me kól bè Kadis, yóm ngà benwu gkilil bè yóm benwu nogotem.

1 Samwél 9:16

“Haya lómón ni uras, wen tau hógówu ebéléem lemwót bè tonok Bindyamin. Tenwélem hnolo ta kuluhen anì du mò malak yó kem tauhu Israél. Du angat lemwà kul lem tdok yó kem Flistin, yakà deng tonu du yóm alì keglayam le yó kem dou tau ne deng gungolu yóm kni le tóbóng béléu.”

2 Bok Kem Tau Hol Geta 13:23

Okóm yóm Dwata, tey kkoduhen kul yó kem tau Israél, ne yó gónó le là gotu meglà. Knoduhen lu lemwót bè yóm deng kesfasad le Dwata Abraham ne Isak ne Jakub. Efet ni kmoen ni, là kô sulék genlaen kul yó kem tauhen, ne là se kô tebelen kul.

Kem Lingón 102:2

Béem abay henbnos ou bè yóm kdawu glayam. Hgongi dou edini, géhél bnalaem ou ke tmabahe.