Kehewà 2:21 - Udél Dwata: Gna Kesfasad ne Lomi Kesfasad

²¹ Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura.

Kehewà 2:21 Referans Kwoze

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Sulat Jim 1:10

Ne yó kem tau hemtahu bè Jisas bong kendengen le, yake hol le hligal, yakà deng heglaan Dwata kul. Abay se yóm klowil le yó kem tau wen kendengen le yó, là kóen té, lómón yóm bulók lem bnes, là kóen legen ktonem du.

Hibru 11:25

Mom hyu nawahen kun ke mung glayam bè yó kem kun tau Dwata, olo ke tek likóten hligal mlan bè yó kem salà nmò tau te tonok.

1 Timuti 6:6

Yóm tau tahu yóm kehtahuhen deng gsengel nawan du yóm deng nô béléen.

Kehewà 2:10

Timbow deng malù bong yóm ngà yó, ominen mit du ebè yóm libun boi. Lemwót se kun yóm libun boi yó, tódô henbalingen mò hol kun ngà. Yó hendemen, “Nwahu ta él nim ngà ni, yó boluyu du Musis.”

Lista 12:1

Lemwót bè yóm kyehen Musis yóm libun tau Kusayt, yó nmò Miryam lewu le Aron, tey dê udél le etahen.

Kul Nmò 7:29

Timbow gungol Musis yóm monen yó, tódô lemwót mlóy etu bè tólóng benwu boluyen Midyan. Ditu gónón hlós myehen, ne lewu ngaen logi.

Kehewà 2:20

“Nô se kun du?” mon mà le. “Moen du ke tebel ye ditu yóm tau yó? Lemwót ye ne, ne ye e nangay anì mung mken bélê tekuy.”

Kehewà 4:18

Omin Musis mulék ebè Jitru, yóm tuónen ne monen mò du, “Ke yóm hyu béléem, Mà, nam hógów ou ebè yó kem dou dumu tau Israél bè Idyip anì naw e hnénég ke sana tolo klowil le.” Tahu se, hlus tuónen ne monen mò du, “Dwata he mung kóm.”

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.