Kehewà 2:20 - Udél Dwata: Gna Kesfasad ne Lomi Kesfasad

²⁰ “Nô se kun du?” mon mà le. “Moen du ke tebel ye ditu yóm tau yó? Lemwót ye ne, ne ye e nangay anì mung mken bélê tekuy.”

Kehewà 2:20 Referans Kwoze

Tekang Kbuten 31:54

Wen ógóf hnatayen ne dsuen ebè Dwata bè yó ta bulul ne htabahen yó kem dumuhen ebè yóm ken nmoen. Timbow deng kken le, omin le na bud tungô bè yó suloy.

Tekang Kbuten 43:25

Lemwót yó kem tau setwoli yó, eles hentifes le yóm mò basa le ke Jusif bè yóm kkólen bè yó kemdaw, abay se deng eles tulónen kul yóm tau snalig Jusif yóm kmung le mken bè Jusif.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

Job 42:11

Ominen yó, tódô kdê yó kem dumun setwoli Job ne kem ween gotu mauy du ne mung le hligal mken béléen bè gónóen. Gotu le gbót béléen bè yóm ksidek kegnómen du bè kdê yó kem gfà deng hwit Dwata ebéléen. Wen filak blay le du yóm ket kul na sotu ne wen tising blówónen.

Job 31:32

Sal gel tinoku ebè gónóu yó kem tau milo lemwót bè benwu mayuk, là kô naw e htungô kul bè lan.

Tekang Kbuten 18:5

Nahe hemtifes bélê ye mò ken ye anì wen kgis ye bè yóm bud kógów ye kedeng. Tey hyu nawaw nim keslob ye béléu ni. Là hyuhen ke là na ye mken béléu.” Ne mon le se, “Yó sen. Nmoem yóm deng monem.”

Tekang Kbuten 29:13

Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,

Kehewà 2:19

Mon le se, “Wen tau Idyip tmóbóng kum bè yó kem tau semgyok ubiha, gloken tmóbóng kum ma él ne hinumen yó kem ógóf me.”

Kehewà 2:21

Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura.