Kehewà 2:17 - Udél Dwata: Gna Kesfasad ne Lomi Kesfasad

¹⁷ Okóm wen kem dumu tau semgyok ubiha kól bè yó, deng mom gotu hdó le lu bè yó yó kem ngà libun yó. Omin Musis mógów ebélê le, nofinen lu ne tnóbóngen lu hinum yó kem ógóf le.

Kehewà 2:17 Referans Kwoze

Tekang Kbuten 29:10

Timbow ton Jakub Rakél ne yó kem ubiha mà dien Laban tódô mógów ebè kokol, lenkaen yóm botu gel seng le du ne hinumen yó kem ubiha nwiten.

Tekang Kbuten 21:25

Omin Abraham kmamo du bè Abimélék yóm deng kled kem tau semgyok ógóf Abimélék du yóm sotu kokol deng hokolen yó kem tau tóbóng lówóhen.

Kehewà 2:12

Bè yóm kton Musis du, ominen temngel gu hmilol ne laen kô dù tau tonen, tódô hnatayen yóm tau Idyip yó ne lebengen lem helek, ominen mulék ebè gónóen.

Tekang Kbuten 29:3

Ke deng le gotu stifun bè yó yó kem dumu bung ubiha, bud gel kó yóm tau mentey kul yóm botu sengen anì hinum le lu bè yó. Ke deng deng khinum le kul, omin le bud hulék yóm botu seng le du.