Kehewà 2:15 - Udél Dwata: Gna Kesfasad ne Lomi Kesfasad

^15-16 Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô. Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le.

Kehewà 2:15 Referans Kwoze

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

Kul Nmò 7:29

Timbow gungol Musis yóm monen yó, tódô lemwót mlóy etu bè tólóng benwu boluyen Midyan. Ditu gónón hlós myehen, ne lewu ngaen logi.

Tekang Kbuten 24:11

Bè yóm kkólen ditu, gotu hefenen yó kem kamél moni bè yóm kokol nô bè lewà yóm syudad yó. Uma kóm, deng móyón kimel ne, uras le mangay él yó kem libun.

Tekang Kbuten 29:2

Bè yó bè yóm gónón hnas, wen kokol tonen ne wen tlu bung ubiha hlilil gu hilolen abay se bè yó gónó le gel hinum kul. Uma kóm wen botu seng le bè bak yóm kokol yó.

Kun Snulat Jan 4:6

Bè yó gónóhen nô yóm kokol tehe Jakub. Nan slob hegnô bè yó Jisas bè yóm kokol yó, abay se alì sidek klitegen bè yóm kógówen. Deng gtungu ne kdaw yóm kkólen bè yó.

Matyu 10:23

Ke hnayam le yu bè sotu benwu, tódô ye mlóy ebè dumu benwu. Tódô tulónu kuy ktahuhen, là kô na ye e deng gdeng du he yó kem hmou kuy bè kdê yó kem benwu bè klamangen Israél, deng sana bud kól yóm Ngà Tau.

Kem Udél Hlalak Tehe Selumun 22:3

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.

Kehewà 4:19

Gu laan Musis là deng lemwót bè yó bè Midyan, yó mon Dwata mò du, “Béi abay hlikò mulék ebè Idyip. Yó kem tau tehe tô móló hmatay kóm, deng le matay.”

Tekang Kbuten 25:4

Yóm kun ngà logi Midyan duhen Ifa ne Éfér ne Hanuk ne Abida ne Ilda. Yó kem tau yó, hono sfu Abraham bè yehenen Kitura.

Tekang Kbuten 25:2

Wen ngà le, yó boluy le, Simran ne Juksan ne Midan ne Midyan ne Isbok ne Suwa.

Kehewà 18:4

Ne yó tehe bud monen bè ksut yóm ngaen twoli, “Deng tnóbóngen ou yóm Dwata hentahu yóm tehe mà ne hewaen ou anì là ghatay Faro dou.” Ne yó gónón moluy du Ilisér yóm ngaen logi twoli.

1 Bok Kem Tau Hol Geta 11:18

Mlóy le lemwót bè yó bè Midyan, mógów le etu bè Paran, ne wen kem dumu tau mung kul etu bè Idyip na le e mógów ebè Faro yóm tau hol geta bè Idyip. Botong wen tonok blayen ke Hadad, ne wen gónóen, ne du temdof kul ken.

Hbakuk 3:7

Yó kem tau bè Kusan ne bè Midyan, tonu lu tódô setbol kkel le lemwót bè alì klikò le bè yóm kton le du yóm yó.