Kehewà 2:14 - Udél Dwata: Gna Kesfasad ne Lomi Kesfasad

¹⁴ Ne yó balaen du yóm tau yó, monen, “Tau du de hembaling kóm mò gónó me mogot ne mò kmukum kum? Mone tô hnatayem o kô lómón yóm khatayem yóm tau Idyip?” Ya tey sidek klikò Musis ne yó hendemen, “Deng wen ne tau temngón du yóm nmou.”

Kehewà 2:14 Referans Kwoze

Kun Snulat Luk 12:14

Okóm mon Jisas mò du, “Laen bang kwalisu kmukum kuy, Man, duhen ke fen tô nólólu bélê ye kimu ye.”

Matyu 21:23

Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Kun Snulat Luk 19:14

Okóm wen kem kun dumu menwu kmutó nawa du nim tau na a ma glalen ni. Gloken wen kem tau hógów le huli du ebè yóm tau hol geta, mon le mò du, ‘Là móyô me du kum ke fen geta bélê me nim tau nii.’

Tekang Kbuten 19:9

Okóm mom yó mon le, “Béem tô henseng mi. Olom tau milo ebè ni kóm. Moen ke tô hnauhem mi? Milud he ksideken yóm nmò me béléem ke tô hensengem mi.” Tódô tulud le Lat yó kem tau yó, kóyô le ke genbà le yóm tikeb bak dólen.

Kul Nmò 7:35

Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Kem Udél Hlalak Tehe Selumun 19:12

Yóm klikò tau du yóm alì ksidek kebut yóm tau hol geta hol lómón klikoen du yóm ngel yóm gel mon le liyun. Okóm yóm kun kehyu nawa ebéléen yóm tau hol geta lómón kehyuhen bè bnes yóm amù.

Lista 16:13

Là kóyówen béléem he kô yóm tehe kwitem kum hewà gu bè Idyip, gu bè yóm benwu tilob tonoken, anì nam e gotu hnatay mi bè nim benwu laen hol wen tauhen ni? Ne ni, kóyóem he kô ke bud henbalingem mi mò hesekem?

Lista 16:3

Gotu le mógów ebè le Musis lewu le Aron ne yó mon le mò kul, “Deng tey gulé ne yóm nmò ye. Kdê tekuy se kem tau Israél hono kem kun tau Dwata ne bélê tekuy se gónóhen nô. Moen du, Musis, ke fen ye hegeta senta yó kem dumu tau Dwata?”

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Kem Udél Hlalak Tehe Selumun 29:25

Yóm tau tnafa nawahen yóm kehedem dumu tau ebéléen henged holot gónón bekó, okóm yóm tau snaligen Dwata hyu knóen.

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

Tekang Kbuten 34:27

Omin le bud husek se kul yó kem dumu ngà Jakub logi, gotu negef le kdê yó kem kimu nô lem yóm syudad yó lemwót bè yóm là bud kólós Dina, yóm libun le.