Kehewà 2:10 - Udél Dwata: Gna Kesfasad ne Lomi Kesfasad

¹⁰ Timbow deng malù bong yóm ngà yó, ominen mit du ebè yóm libun boi. Lemwót se kun yóm libun boi yó, tódô henbalingen mò hol kun ngà. Yó hendemen, “Nwahu ta él nim ngà ni, yó boluyu du Musis.”

Kehewà 2:10 Referans Kwoze

Hibru 11:24

Senged se bè yóm deng kbongen logi Musis, lemwót bè yóm kehtahuhen bè Dwata, botong là kóen móyô ke hlós kboluy le du ngà yóm libun boi Faro.

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”

Tekang Kbuten 16:11

Angat wen ngaem logi ne boluyem du Ismaél abay se deng gungol Dwata yóm kkikem lemwót bè yóm alì ksidek kegnómem du.

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

Glasya 4:5

Yó gónón mò du yóm yó mò lanen msok yó kem tau deng gfét du yóm hlau yó anì wen lan tekuy baling ngà Dwata.

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Tekang Kbuten 48:5

Ne yó bud mon Jakub mò ke Jusif, “Ne ni, Jusif, yóm gu laanu là deng kól dini, deng lewu ngaem bè ni bè Idyip, le Ifraim ne Manasi. Yó kem lewu ngaem yó, dou funen. Hol dou ngà, hol le senged bè yó kem ngau twogu le Rubén ne Simyun.

Tekang Kbuten 4:25

Bud sentungô Adam Ib yóm tuha libunen, ne mlutut, ne mngà logi. Ne yó mon Ib, monen, “Deng bud benlay Dwata ou ngà logi mò tles Abél, yóm tehe hnatay twoguhen.” Ne yó gónón moluy du Sét.

Kehewà 2:9

Bè yóm kkólen bè yó yóm yéen, yó monen mò du yóm libun boi yó, “Nwitem nim ngà ni fen htutuem do. Snukéyu uu bè yóm kesegyokem du.” Tahu se, nwit yéen yóm ngà, ne htutuen.

2 Samwél 22:17

Sigelen se mogot dou lemwót gu ta, ne nkayen ou gu lem yóm tey él nelem.