Kehewà 19:9 - Udél Dwata: Gna Kesfasad ne Lomi Kesfasad

⁹ Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Kehewà 19:9 Referans Kwoze

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Kem Lingón 97:2

Wen tey lobun ne kifu mget hmilol du. Yóm ktedengen ne yóm kukum tedeng nwiten yóm hembegel yóm kogoten tau.

Kehewà 20:21

Okóm yó kem tau mom henlel le mdà hlayuk. Tek són Musis hloni ebè yóm lobun hitem gónó Dwata nô. Là gomongen bè nili tsaptér 20:22 efet kól bè tsaptér 23:19. Tulónen yó kem hlolò Dwata kul bè yóm kmò le du bè botu yóm gónó le gel demsù ebè Dwata ne bè yóm kmò kwit le kukum ne bè yóm kmò ktaba le ebè Dwata.

Kehewà 14:31

Timbow ton yó kem tau Israél yóm tey kfasang Dwata bè yóm deng kegmoen bè yó kem tau Idyip, tey klikò le du. Botong snalig le Dwata ne Musis yóm tau tóbóng lówóhen.

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Mark 9:7

Yóm igò Pitér tolo mudél, tódô sut se yóm tey lobun lememek eta le, gnolungen lu, ne tódô gungol le se yóm mudél gu lemen, monen, “Ni se yóm hol dou Ngà gónón nô nawahu. Hol gel hnungol ye.”

Isaya 7:9

Yóm benwu Israél yó, dalang se yóm syudad bong nô lemen boluyen Samarya, laen dù bud kgis le se kul. Senged se yóm Pika mogot du, laen dù bud kgisen se kun. Ne uu Ahas, ke là hlósen yóm kehtahuhem béléu, là se kóen hlós yóm kogotem benwu.”

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

2 Tutul Israél 6:1

Omin Selumun mni bè Dwata, monen, “Ó Dwata, deng monem nói lem yóm kifu mget se kóm.

1 Bok Kem Tau Hol Geta 8:12

Omin Selumun mni bè Dwata, monen, “Ó Dwata, uu se deng hemsù du bè longit yóm kdaw, okóm kóm deng mom yó nélékem nói lem yóm tey kifu mget.

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kehewà 34:5

Omin Dwata mnaul elaan mung bè lobun ne mdà klohok Musis, bud tulónen boluyen, du se yóm Dwata hol gónó mogot.

Lista 12:5

Bè yóm kkól le bè yó, mnaul Dwata mung bè yóm tey lobun btol gu tta ne mdà bè bak dól yóm Gónóen ne tnabahen Aron ne Miryam, monen, “Ó Aron ne Miryam.” Tahu se, hloni le yóm lewu le.

Kem Lingón 99:7

Mudél ebélê le gu lem yóm lobun tmahà, ne nimón le yó kem kóm hlau kul dalang se yó kem kóm hlolò kul.

Dwata 4:10

yóm kdaw tehe kdà ye bè solu yóm sana kuy Dwata hol gónó mogot bè Bulul Sinay, yóm kdaw tehe kmonen du mò dou, ‘Gotu sentifunem lu yó kem tau. Kóyóu ke gungol le yóm udélu ebélê le anì wen klikò le dou bè yóm klawi le mowil ne anì bud tolok le bè yó kem ngà le snéen yóm klikò le dou yó.’ ”