Kehewà 19:6 - Udél Dwata: Gna Kesfasad ne Lomi Kesfasad

⁶ kem tau deng hetfingu mò dou ne angat ye baling kem tau mò gel blóng ebéléu. Nim udél lemwót lem baku ni, hol tulónem yó kem tau Israél.”

Kehewà 19:6 Referans Kwoze

Deng Hegfan 5:10

Deng nmoem lu kem tau mò nogot Dwata, kem tau mò blóng kem dumu le tau ebè Dwata. Lu se yó kem tau angat mogot benwu te tonok.”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Deng Hegfan 1:6

ne deng henbalingen tekuy kem tau mò nogoten, kem tau mò gel blóng kem dumu tau ebè Dwata, yóm Maen. Bê tekuy lensón yóm kdóyón tekuy du. Laen kô dù sónen yóm tey kegetahen ne yóm tey kfasangen kmamal yóm klamangen.

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Dwata 28:9

Ke nimón ye yóm sana kuy Dwata hol gónó mogot ne ke gotu lolò ye yóm kdê hlauhen kuy, henbalingen yu mò hol kun tau lómón yóm deng fasaden kuy.

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Hlolò 19:2

“Tulónem yóm kdéen tau Israél yóm udélu ni, monem mò kul, Hol béen abay wen belen ye, yakà ou du yóm sana kuy Dwata hol gónó mogot, yóm laen kô dù belenen.Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

Deng Hegfan 20:6

Tey kehligal yó kem tau matay gomong hlowil Dwata bè yóm tanay kehlowilen tau yó, ne tey bong kehyuhen bélê le. Là se kô le mlan lem lanaw ofi, yóm gel mon le gewuhen dulék matay tau. Ni kem tau hlowil Dwata ni, lu se yó kem tau fen gel blóng kem dumu tau ebè Dwata ne ebè Krays. Gotu le mung kmamal bè Krays bè yóm lemibu halay.

1 Kurin 3:17

Ke wen tau hemsidek du yóm kun gónô Dwata, angat hensidek Dwata yóm tau yó. Abay se ngalihen bè kem sidek yóm kun Gónô Dwata, ne tekuy se yóm kun gónô yó.

Isaya 61:6

Yó angat boluy le kuy, kem tau mò blóng ebè Dwata ne kem tau tóbóng lówó Dwata. Angat tey kehyu nawa ye du kuy yó kem kendengen lemwót bè dumu benwu, tey kegsengel nawa ye mfun du.

1 Tisalunika 5:27

Hesfalahu kuy nim sulat ni lem blóng yóm kdéen tau hemtahu dyó. Nim hmou kuy ni, hlanu bè yóm kwalis blayen dou yóm gónó tekuy mogot.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

1 Bok Kem Tau Hol Geta 3:8

Ni ou, nóe lem blóng yó kem tau deng nélékem, tey kem tau wen, là kô gbekem msó kul.

1 Bok Kem Tau Hol Geta 8:53

Yakà lu du yóm deng nélékem bè kdéen tau talak tonok, mò hol kóm tau nfun. Ni se tehe tulónem ke Musis, yóm tau tóbóng lówóhem, bè yóm tehe kehewaem kul gu bè Idyip yó kem fù me.”

1 Tutul Israél 17:22

Ne deng nélékem yó kem tauhem Israél, laen kô dù tul sónen yóm kfunem kul ne deng uu se, Dwata, baling hol kul Dwata.

Isaya 43:4

Gloku tódô bemlay yó kem dumu benwu mò soku kuy, abay se tey ye bong mebtes béléu ne alì bong nawahu kuy ne tey kadatu kuy.

Jirimaya 2:3

Bè yó kem kdaw yó, deng hetfingu yu ebéléu yu kem tau Israél. Yu se yó kem hol ngau twogu. Ke wen tau tehe hemsidek kuy sal gel wen glumfak hwitu ebélê le. Ou se yóm sana Dwata hol gónó mogot nim mudél ni.’ ”

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Lista 16:3

Gotu le mógów ebè le Musis lewu le Aron ne yó mon le mò kul, “Deng tey gulé ne yóm nmò ye. Kdê tekuy se kem tau Israél hono kem kun tau Dwata ne bélê tekuy se gónóhen nô. Moen du, Musis, ke fen ye hegeta senta yó kem dumu tau Dwata?”

Kem Lingón 114:2

yóm benwu Juda nmò Dwata mò gónón nô, ne nmoen Israél mò tau nogoten.

Hagay 2:5

Bè yóm tehe kehewà yó kem fù ye gu bè Idyip, tehe fasadu kul yóm tendo eles knóu bélê le. Senged se nim kmoen ni, elese tendo gel nô bélê ye. Yó gónóm mon, hol bê ye abay hlikò. Là buden legen ne yóm angat ksinsigu longit ne tonok ne mohin.