Kehewà 19:4 - Udél Dwata: Gna Kesfasad ne Lomi Kesfasad

⁴ Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Kehewà 19:4 Referans Kwoze

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Deng Hegfan 12:14

Okóm wen hafak blay Dwata du yóm libun yó, lómón hafak yóm banug bong anì tódô móyóng etu bè yóm benwu laen dù tau menwu du, ne bè yó gónón wen tendo semgyok du efet tlu halay sóól. Laen kô dù bud gmoen béléen bè yó yóm swaga.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Hagay 2:5

Bè yóm tehe kehewà yó kem fù ye gu bè Idyip, tehe fasadu kul yóm tendo eles knóu bélê le. Senged se nim kmoen ni, elese tendo gel nô bélê ye. Yó gónóm mon, hol bê ye abay hlikò. Là buden legen ne yóm angat ksinsigu longit ne tonok ne mohin.

Malakay 2:10

Là tek sotu du kô yóm Mà tekuy kem tau Juda? Là tek sotu du kô yóm Dwata tehe mifil tekuy? Na ke lómón yó, moen de ke deng mom nulé tekuy yóm deng senfasad tekuy? Moen de ke deng mom genbà tekuy yóm tehe kesfasad le Dwata yó kem tehe fù tekuy?

Juswa 23:3

Deng gotu ton ye yóm kdê nmò Dwata bè yó kem dumu but tau bè nim benwu ni lanen tmóbóng kuy. Yóm kut Dwata hol gónó mogot deng sfatay bè yó kem hohon tekuy.

Husiya 11:1

Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.