Kehewà 19:3 - Udél Dwata: Gna Kesfasad ne Lomi Kesfasad

³ Omin Musis mneged eta yóm bulul yó nan e senlong Dwata. Tnaba Dwata Musis gu ta yóm bulul yó, tulónen du yóm nóyô monen bè yó kem tau Israél, yó kem tau ból Jakub.

Kehewà 19:3 Referans Kwoze

Kehewà 3:4

Timbow ton Dwata yóm tô kehloni Musis edu, yó gónón mudél ebéléen gu lem yóm ngà koyu yó, monen, “Ó Musis! Ó Musis!” Bnalà Musis se, “Ni ou.”

Kul Nmò 7:38

Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kehewà 20:21

Okóm yó kem tau mom henlel le mdà hlayuk. Tek són Musis hloni ebè yóm lobun hitem gónó Dwata nô. Là gomongen bè nili tsaptér 20:22 efet kól bè tsaptér 23:19. Tulónen yó kem hlolò Dwata kul bè yóm kmò le du bè botu yóm gónó le gel demsù ebè Dwata ne bè yóm kmò kwit le kukum ne bè yóm kmò ktaba le ebè Dwata.

Kehewà 34:2

Eles hentifesem abay se hlafus haya budi mneged eta Bulul Sinay nam e senlong o bè yó ta tfusuen.

Kehewà 3:12

Bnalà Dwata se, monen, “Elese tendo nô béléem ne bè yóm kwitem kul hewà gu bè Idyip yó kem tau, angat ye tmaba ebéléu bè nim bulul ni. Yó se ilóen yóm khógówu kóm.”

Kehewà 19:20

Mnaul elaan Dwata eta yóm Bulul Sinay ne tnabahen eta yóm bulul yó Musis. Tahu se, bud mneged Musis.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Kehewà 24:13

Tahu se, omin le htifes le Musis ne Juswa yóm tau tóbóng lówóhen, mneged le eta yóm bulul Dwata yó.

Kehewà 34:4

Tahu se, wen lewu botu kufil bud nmò Musis ne hol hlafus haya bè yó nwiten eta yóm Bulul Sinay, lómón yóm deng mon Dwata mò du.