Kehewà 19:24 - Udél Dwata: Gna Kesfasad ne Lomi Kesfasad

²⁴ Mon Dwata se, “Budi mosol, nangayem Aron. Okóm yó kem gel blóng ebéléu ne yó kem dumu tau hol bê le nulé yóm blóng deng nmoem ke tô le mneged edini béléu. Ke nulé le tnafaku lu.”

Kehewà 19:24 Referans Kwoze

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Glasya 3:22

Deng monen bè Sulat Dwata, tódô kdéen tau bè klamangen benwu, gotu le gmung bè yóm óyô le mò sidek. Yó gónóm mon, tek sotu gónó tekuy gmuta du yóm klowil tehe fasad Dwata tekuy, són bè kehtahu tekuy bè Jisas Krays.

Glasya 3:19

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.

Sulat Pol Ebè Yó Kem Tau Hemtahu Bè Rom 4:15

Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

Kun Snulat Jan 1:17

Bè yóm tehe keblay Dwata yóm hlau ekni, hlanen bè Musis. Okóm bè yóm kehegfanen du yóm hol klinggel nawahen ne yóm hol ktahuhen, hlanen bè Jisas Krays.

Kun Snulat Luk 16:16

Gu laanen là deng sut yóm Jan gel mabtays,” mon Jisas, “són yó gel hlolò le yó kem tau, són yó kem tehe hlau Musis, ne són yó kem tehe snulat yó kem gna tugod Dwata. Okóm bè yóm deng ksut Jan, nbuten bè yó ne wen Tulón Hyu hetngón le gbak ebè yóm kmò kogot Dwata tau. Bè yóm kungol le du yó kem tau, hotu le gel le anì gmung le.

Kun Snulat Luk 13:24

“Yóm lan ebè yóm klowil laen dù sónen, hol lómón ke bak dól sikeb. Hotu ye són gel ye husek edu, abay se angat tey dê tau móyô husek elemen hulin kdaw, okóm là kô le gusek elemen.

Matyu 11:12

Lemwót bè yóm kbut Jan tmolok efet kól nim kmoen ni, tey sidek tô kseng le du yóm kogot Dwata tau. Yó kem tau alì lóbô tô mò du.

Kehewà 24:9

Omin Musis ne Aron ne Nadab ne Abihu ne hitu folò bè yó kem gel malak yó kem tau Israél mneged eta yóm bulul yó

Kehewà 24:1

Yó mon Dwata mò ke Musis ditu ta bulul, “Nangayem Aron ne Nadab ne Abihu ne hitu folò bè yó kem tuha gel malak yó kem tau Israél, mneged ye edini béléu eta bulul. Bê yóm igò ye tolo mayuk béléu mtud ye bukol ne tmaba ye ebéléu.

Kehewà 19:12

Moi blóng hilol yóm bulul yó mò gónó le són yó kem tau. Tulónem kul hol bê le abay nulé yóm blóng yó ne hol bê le abay mneged etta ne hol bê le abay hloni e du snéen. Ke wen sotu tau mulé du yóm blóng yó, tódô hnatay kmò du.

Kehewà 19:25

Tahu se, bud mosol Musis ne tulónen yó kem tau yóm deng mon Dwata mò du.

Hlolò 10:3

Omin Musis mon du mò ke Aron, “Nim hegfà Dwata kul ni, ni se gónón e gbak yóm tehe udélen, yóm monen, ‘Angat hegfanu bè yó kem tau blóng ebéléu yóm tey klaen dù belenu. Ne angat wen klikò le do yó kem tau Israél.’ ” Okóm tódô neb Aron.

1 Tutul Israél 13:9

Tikóng le kól bè yóm gónón gel kmusu halay Nakon, tlokob yó kem safì mit klitun, ne tódô nogot Usa yóm Slungan Dwata anì là btangen.