Kehewà 19:22 - Udél Dwata: Gna Kesfasad ne Lomi Kesfasad

²² Balù yó kem tau gel blóng ebéléu, hol hólós le knô le anì là tnafaku kul.”

Kehewà 19:22 Referans Kwoze

Kehewà 24:5

Ne dóken yó kem logi lomi lemnok na a ma yó kem safì logi lemnok mò dsù le. Wen se dsù mò hekekeb le ebè Dwata ne wen se dsù mò ken le gónó le dmóyón ke Dwata.

Kul Nmò 5:10

Tahu se, tódô sen-gengen se matay mekto bè yó bè solu Pitér tuha libun Ananiyas. Bud le se husek yó kem lomi lemnok kól lembeng, tódô bud ton le se tuha libunen deng sana bud htidol bè yó. Bud le lemwót yó kem lomi lemnok yó koni, nit le hewà yóm matay yó, ne bud lebeng le klohok tuha logihen.

Kul Nmò 5:5

Bè yóm kungol Ananiyas yóm udél Pitér ebéléen, tódô mugod, matay mekto. Ya tey sidek klikò le yó kem tau bè yóm kungol le du nim ni.

Isaya 52:11

Hol tebel ye ne yóm benwu Babilun, yu kem tau mulék ebè Jirusalim mit yó kem ngom bè Gónô Dwata. Béen wen dumu nogot ye yó kem kenbê Dwata. Hol ye hólós, omin ye yó lemwót.

2 Tutul Israél 30:15

Bè yóm gesfoloen fat kdaw bè yóm gewuhen bulón, hnatay yó kem tau yó kem ngà ubiha dsù le bè yóm Kdaw Khius. Tey sidek kyak yó kem tau gel blóng ebè Dwata ne yó kem sfu Libay là deng hfólós le du knô le. Yó gónó le hol hfólós knô le ne demsù le yóm dsù hkekeb ebè Dwata bè yó bè kun Gónô.

2 Tutul Israél 30:3

Là gbek le hmigal du bè yóm kun tahu bulón, abay se là hol le wen yó kem tau gel blóng ebè Dwata deng hfólós knô, ne là deng le stifun bè Jirusalim yóm kdéen tau.

1 Tutul Israél 15:13

Lemwót bè yóm là kwit kem sfu Libay du yóm Slungan Dwata bè yóm tanay tô kangay me du, yó gónóhen alì lembut tekuy yóm sana kut Dwata hol gónó mogot. Yakem deng tehe eles snólók tekuy kmò kwit du.”

Kehewà 19:5

Ne ni ke nimón ye ou yóm sana Dwata hol gónó ye mogot, ne ke là klifót ye du yóm deng senfasad tekuy, baling ye mò dou tau. Yóm klamangen benwu, dou funen okóm yu se yó kem dou tau nélék,

Kehewà 19:24

Mon Dwata se, “Budi mosol, nangayem Aron. Okóm yó kem gel blóng ebéléu ne yó kem dumu tau hol bê le nulé yóm blóng deng nmoem ke tô le mneged edini béléu. Ke nulé le tnafaku lu.”

Lista 11:18

Ne ni, eles hetngónem bè yó kem tau, hol le eles hólós abay se haya wen utón le. Tulónem kul deng gungolu yóm tey ktalaw le du yóm klaen dù utón le ne yóm tendo gel kmon le du hyu klowil le kun bè yóm tehe knô le bè Idyip. Ne ni, wen utón blayu kul, hol ken le.