Kehewà 19:20 - Udél Dwata: Gna Kesfasad ne Lomi Kesfasad

²⁰ Mnaul elaan Dwata eta yóm Bulul Sinay ne tnabahen eta yóm bulul yó Musis. Tahu se, bud mneged Musis.

Kehewà 19:20 Referans Kwoze

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Kehewà 34:4

Tahu se, wen lewu botu kufil bud nmò Musis ne hol hlafus haya bè yó nwiten eta yóm Bulul Sinay, lómón yóm deng mon Dwata mò du.

Kehewà 34:2

Eles hentifesem abay se hlafus haya budi mneged eta Bulul Sinay nam e senlong o bè yó ta tfusuen.

Kehewà 24:18

Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

Kehewà 19:11

Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Kehewà 19:3

Omin Musis mneged eta yóm bulul yó nan e senlong Dwata. Tnaba Dwata Musis gu ta yóm bulul yó, tulónen du yóm nóyô monen bè yó kem tau Israél, yó kem tau ból Jakub.

Dwata 9:9

Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.

Dwata 33:2

“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

1 Bok Kem Tau Hol Geta 19:11

Yó mon Dwata mò du, “Hwai dé ne mdai bè soluhu ta bulul.” Ne igoen mdà bè yó Ilaydya, mius se Dwata, ne tódô sut se yóm tey lenos bong gónón mluy ne tbó yó kem botu. Okóm là kóen nô bè yóm lenos yó Dwata. Kogol yóm lenos, sut se yóm tey linol, okóm bud là nóen bè yóm linol yó Dwata.

Kehewà 24:15

Omin le Musis mneged eta yóm Bulul Sinay ne wen lobun lememek eta tfusuen.