Kehewà 19:18 - Udél Dwata: Gna Kesfasad ne Lomi Kesfasad

¹⁸ Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Kehewà 19:18 Referans Kwoze

Kmukum 5:5

Gotu megsinsig yó kem bulul bè yóm kkól Dwata. Balù Bulul Sinay, botong megsinsig se kun bè yóm kkól Dwata, yóm sana kut Dwata hol gónó mogot, yóm Dwata yó kem tau Israél.

Kem Lingón 144:5

Hennasem longit, Dwata, ne mnauli elaan, tendólem yó kem bulul anì semfut kebel le.

Deng Hegfan 15:8

Ne tódô henok kebel lem yóm Gónô Dwata lemwót bè yóm tey kegeta Dwata ne yóm tey kfasangen. Ne laen kô tagad husek elemen ke là dengen gotu yó kem hlayam nit yó kem hitu hógów Dwata.

Kehewà 3:2

Bè yóm kkólen bè yó, wen hógów Dwata gu bè longit hegfan béléen bede hlingu bè dilóf ofi, mkal bè yóm sotu ngà koyu lefungu. Ton Musis yóm koyu lefungu tódô tfeng dilóf okóm là se kóen dog mlób.

Tekang Kbuten 19:28

Temngel etlem Abraham bè Sodom ne Gomora ne ebè klamang yóm datalen, tódô tonen yóm tey kebel mget gu bè klamang yó kem benwu yó.

Kem Lingón 104:32

Balù tek olon hménég du he yóm tonok, tódô megsinsig. Ke nduen yóm bulul, tódô semfut kebelen.

Dwata 33:2

“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

Dwata 5:22

Ni se yóm sfolò kem hlau hlolò Dwata kuy bè yóm tehe kesbung ye bè bulul Sinay. Tódô mudél ebélê ye gu lem yóm dilóf ofi ne lobun mfól ne tey mfasang yóm kudélen yó. Ni se yóm hlau hloloen kuy, laen dù dumuhen. Ominen smulat du ta yóm lewu kem botu kufil yóm hlauhen yó ne oguhen dou.

Hibru 12:26

Bè yóm tehe kudél Dwata ebélê le ekni, botong megsinsig tonok. Okóm deng wen eles tulónen bè yóm angat nmoen elem hulin kdaw, yó monen, “Angat bud sninsigu sulék he, okóm là sónen du tonok sninsigu, homongu snéen longit.”Yó hol lanen yóm udél Dwata yó koni, tulónen yóm angat gotu ksinsigen yóm kdéen deng tehe dlimunen ekni mò hol són le. Yó tlesen du yóm là gbeken megsinsig, duhen yó se kem laen dù tul són le.

Isaya 6:4

Lemwót bè yóm uni yóm udél le, botong kmingò yóm Gónô Dwata ne tódô tfeng kebel lemen.

Tekang Kbuten 15:17

Timbow deng lemneb kdaw ne deng kifu, tódô ton Abram yóm kkuleng ofi tendo kmebel ne wen solok mung du mlan gu lem blóng yó kem ógóf sendolol hlasaen bè yó.

2 Pitér 3:10

Okóm bè yóm kdaw kesfulék yóm gónó tekuy mogot, tódô kdéen tau gotu ktut, lómón kektut le ke wen mnagaw bélê le. Bè yóm kdaw yó, tódô gungol le yóm tey muni bong, ne tódô kmanas bè ofi yóm longit, ne gotu mkekeb yóm kdéen nô du. Dalang se yóm tonok ne kdéen ton tahen, tódô gotu kmanas.

Hibru 12:18

Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Matyu 24:7

Angat wen kem benwu mit sgida bè kem dumu benwu. Ne tey dê benwu gónón mbel bitil bong ne linol bong.

Sikaraya 14:5

Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.

Kem Lingón 114:7

Ó tonok, holi megsinsig bè solu Dwata, bè solu yóm Dwata tehe Jakub.

Kem Lingón 77:18

Lel ni letékem mkal lem klifus bong. Hlayagen klamangen benwu yóm tey kal silaem. Lemwót bè yóm tey linol bong, botong megsinsig tonok.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 19:13

Yó nmò béléen, sentudà botu duhen ke gentì. Ne hol béen abay wen tau mogot du. Senged se nmò ye bè yó kem ógóf ke nulé le yóm blóng, tódô hnatay kmò kul. Okóm ke gungol yó kem tau yóm uni féw, yó he kehloni le e du yóm bulul yó.”

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Deng Hegfan 9:2

Ominen lemungkà du yóm bak yóm sol leyóng yó, ne tódô hesut se yóm tey kebel gu lemen, lómón kebel yóm tey dutung bong, botong tódô kmifu talak kmawang.

Tekang Kbuten 11:5

Omin Dwata yó mnaul elaan nan e hnénég yóm syudad ne yóm gónô geta nbut hdà yó kem tau.

Kehewà 19:17

Omin Musis mit kul hewà bè kamfù le anì na le e senlong Dwata okóm olo le mdà bè but yóm bulul yó.

Kehewà 34:2

Eles hentifesem abay se hlafus haya budi mneged eta Bulul Sinay nam e senlong o bè yó ta tfusuen.

Dwata 5:4

Bè yó ta yóm bulul yó, tódô suyó bélê ye Dwata lemwót gu lem yóm tey ofi.

Isaya 64:1

Ó Dwata, moen de ke là tódô kenséem du yóm longit anì mnauli elaan? Ke yó se nmoem, gotu ton le u yó kem bulul ne tódô le megsinsig lemwót bè klikò le.

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Kem Lingón 18:9

Hennasen longit, ominen mnaul elaan. Ya tey kifu mget gónón mdà.

Kem Lingón 68:9

Ya tey kehkulónem du, Dwata, botong héfê yóm tonok alì mékéng, yóm tonok deng fasadem mò blayem yó kem kóm tau.

Kem Lingón 77:19

Nifalem yóm tey mohin lamang, mlani lem blóng yóm tey lewók bong, bede laen dù mton du danà hólól tihem.

Kem Lingón 114:4

Yó kem bulul, gotu le hkak lómón ke hkak yó kem ubiha logi, dalang se yó kem bulul lemnek, gotu le hkak lómón ke hkak kem ngà ubiha.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.