Kehewà 19:16 - Udél Dwata: Gna Kesfasad ne Lomi Kesfasad

¹⁶ Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Kehewà 19:16 Referans Kwoze

Deng Hegfan 4:1

Kogolen yóm yó koni, bud wen tonu. Tódô tonu hnas yóm sotu bak dól bè longit. Ne bud mudél se yóm tehe mudél ebéléu, yóm lómón uni féw bong udélen, monen mò do, “Mógówi edini kun, naw e tolok kóm yó kem sut hulin kdaw.”

Hibru 12:21

Balù Musis bè yóm ktonen du yóm bulul yó, botong monen, “Sidek klikou dou, botonge kenkel.”

Deng Hegfan 11:19

Yóm igò le dmóyón ke Dwata, tódô wen lemungkà du yóm Gónô Dwata bè longit, ne gfan bè yó yóm slungan gónóhen nô yó kem tehe fasad Dwata deng tehe snulat le. Ominen mkal yóm tey silà, ne sen-gengen se lemungkul, lel yóm tey leték, ne tey linol bong te tonok, lel yóm tey bulók kulón.

Deng Hegfan 8:5

Ne ominen bud ma yóm tukung insinsu yóm hógów Dwata yó, ne wen ofi nwahen bè yóm gónó le gel mtem mò lemen du, ne tódô gotu tudaen ete tonok. Sen-gengen se lemugung ne lemték, lelen smilà, ominen mbel yóm tey linol bong te tonok.

Deng Hegfan 4:5

Ne là skasen tendo smilà lemwót bè yóm bangkù gónón myón yóm fen kmamal, sen-gengen se lemungkul ne lemték. Ne wen hitu solok lómón tô solok lunay tonu tendo lemtom bè solu yóm gónón myón yóm fen kmamal. Yó hnigaden yóm hitu solok lemtom yó, duhen yóm hitu kay kfasang yóm Tulus Dwata.

Kem Lingón 77:18

Lel ni letékem mkal lem klifus bong. Hlayagen klamangen benwu yóm tey kal silaem. Lemwót bè yóm tey linol bong, botong megsinsig tonok.

Job 38:25

Tau du se mélék du yóm mò gónón e gdek yóm hol yéen kulón? Ke smilà, tau du se mò du yóm lesangen?

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Kehewà 9:23

Tahu se, tayal Musis eta bè longit tugeden ne sen-geng Dwata se heték du ne hetbóhen yóm hol tey bulók kulón ne tey leték kemfô gu talak tonok.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

Kem Lingón 97:4

Yóm ksilaen tendo mkal bè klamangen benwu. Bè yóm kton le du yó kem tau, gotu le likò, botong setbol kkel le.

Kem Lingón 50:3

Mógów edini yóm Dwata tekuy, ne là kóen tódô yem. Wen tey ofi eles tukô gna du, gotu kenen kdéen, ne mbel gu hilolen yóm tey lenos bong.

2 Tutul Israél 5:14

Là kô gbek le bud mò du yóm gel nmò le lemen yó kem tau gel blóng ebè Dwata, abay se deng tódô tfeng yóm tey keslinang Dwata lem yóm kun Gónô.

Kehewà 40:34

Ominen lememek eta yóm Gónô Dwata yó yóm lobun tmahà gel tukô gna kul ne tódô tfeng lem yóm Gónô Dwata yóm tey layag Dwata alì sminang.

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Kehewà 19:11

Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Kehewà 19:15

Ne bud mon Musis mò kul, “Hol ye eles htifes bè yóm kdaw lewu ni ne béen wen tagad stungô bè libun.”

Kehewà 19:17

Omin Musis mit kul hewà bè kamfù le anì na le e senlong Dwata okóm olo le mdà bè but yóm bulul yó.

Kehewà 20:21

Okóm yó kem tau mom henlel le mdà hlayuk. Tek són Musis hloni ebè yóm lobun hitem gónó Dwata nô. Là gomongen bè nili tsaptér 20:22 efet kól bè tsaptér 23:19. Tulónen yó kem hlolò Dwata kul bè yóm kmò le du bè botu yóm gónó le gel demsù ebè Dwata ne bè yóm kmò kwit le kukum ne bè yóm kmò ktaba le ebè Dwata.

Dwata 5:5

Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

2 Samwél 22:10

Hennasen longit, ominen mnaul elaan. Ne tey kifu mget gónón mdà.

Nahum 1:3

Là kóen mahil lembut yóm Dwata, okóm tey kfasangen. Là gbeken du ke là tnafaken kul yó kem tau wen salaen. Yó gónón hegfan du yóm kfasangen bè yóm tey klifus ne bè yóm tey lenos bong. Yó kem lobun, olo kfung lemwót bè laan tihen.

Kem Lingón 81:8

Ó kem dou tau, hnungol ye ou, hol hnungol ye ou nim igou hetgama kuy. Ó kem tau Israél, yake hol ye hmungol dé.