Kehewà 19:15 - Udél Dwata: Gna Kesfasad ne Lomi Kesfasad

¹⁵ Ne bud mon Musis mò kul, “Hol ye eles htifes bè yóm kdaw lewu ni ne béen wen tagad stungô bè libun.”

Kehewà 19:15 Referans Kwoze

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

Kehewà 19:11

Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Juwél 2:16

Sentifun ye lu yóm kdéen tau. Eles tulón ye kul anì eles le hólós. Nwit ye yó kem tuha tau ne yó kem ngà kkólen bè yó kem hanà tolo tmutù. Balù yó kem tau lomi syehen na le tebel yóm gónó le nô anì mung le se kul.

Matyu 24:44

Duhen yó, eles tendo ningat ye yóm bud kkólen elem blóng ye yóm Ngà Tau, abay se kulel angat kkólen bè yóm uras là gingat ye du.”

Malakay 3:2

Okóm bè yóm ksuten, tau du se gembek hembala du? Tau du se gembek mdà bè soluhen bè yóm kdaw kegdeken? Laen duen. Abay se yóm nangat ye yó, hol mkél bè yóm tey ofi gbeken hnò bala tók, duhen ke mkél bè yóm sabun alì lóbô gbeken hbukay nes.

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

Sikaraya 6:3

ne yóm getluhen dyol kem kudà bukay, ominen yóm gfaten dyol kem kudà kebting. Bede hono kem kudà kemgis yóm kdê le.

Amus 4:12

“Yó gónóm mon, kem tau Israél, angat bud wen he sidek nmou bélê ye. Lemwót bè yóm angat nmou bélê ye ni, kem tau Israél, eles ye htifes bè yóm angat kdà ye bè solu yóm Dwata ye.”

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Kehewà 19:14

Omin Musis bud mosol ne tulónen yó kem tau anì eles le htifes bè kehloni le ebè yóm sana kul Dwata hol gónó mogot. Tahu se, gotu nfuk le kem nes le.

1 Tutul Israél 15:12

Yó monen mò kul, “Yu se kem malak bè yó kem tbong Libay. Hólós ye knô ye dalang se yóm kdê ye sfu Libay, anì nwit ye edini yóm Slungan Dwata yóm Dwata yó kem tau Israél. Nwit ye ebè yóm gónô deng eles hetfingu mò gónóhen nô.