Kehewà 19:14 - Udél Dwata: Gna Kesfasad ne Lomi Kesfasad

¹⁴ Omin Musis bud mosol ne tulónen yó kem tau anì eles le htifes bè kehloni le ebè yóm sana kul Dwata hol gónó mogot. Tahu se, gotu nfuk le kem nes le.

Kehewà 19:14 Referans Kwoze

Kehewà 19:10

Ne yó bud mon Dwata mò du, “Mógówi ebè yó kem tau, tulónem kul eles hólós le knô le kemdaw ni ne haya bè yóm kehloni le ebéléu. Hol nfuk le kem nes le.

Tekang Kbuten 35:2

Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

Kehewà 19:13

Yó nmò béléen, sentudà botu duhen ke gentì. Ne hol béen abay wen tau mogot du. Senged se nmò ye bè yó kem ógóf ke nulé le yóm blóng, tódô hnatay kmò kul. Okóm ke gungol yó kem tau yóm uni féw, yó he kehloni le e du yóm bulul yó.”

Kehewà 19:15

Ne bud mon Musis mò kul, “Hol ye eles htifes bè yóm kdaw lewu ni ne béen wen tagad stungô bè libun.”

1 Samwél 21:5

Ne yó balà Dabid yóm tau blóng ebè Dwata yó, monen, “Béem htafa nawam. Ke gel wen nógów me, là kô me gel semtungô libun baluen ke nô kihu nógów me hyu ke hol me hólós. Sélétem mon ni dum kógów me ni.”

1 Tutul Israél 15:12

Yó monen mò kul, “Yu se kem malak bè yó kem tbong Libay. Hólós ye knô ye dalang se yóm kdê ye sfu Libay, anì nwit ye edini yóm Slungan Dwata yóm Dwata yó kem tau Israél. Nwit ye ebè yóm gónô deng eles hetfingu mò gónóhen nô.

Lista 31:23

Tódô kdê ni kem ni, hol bud hlan ye lu bè él anì mólós kton Dwata kul. Okóm yó kem kimu mlób, olon bè él gónó ye hólós du.