Kehewà 19:13 - Udél Dwata: Gna Kesfasad ne Lomi Kesfasad

¹³ Yó nmò béléen, sentudà botu duhen ke gentì. Ne hol béen abay wen tau mogot du. Senged se nmò ye bè yó kem ógóf ke nulé le yóm blóng, tódô hnatay kmò kul. Okóm ke gungol yó kem tau yóm uni féw, yó he kehloni le e du yóm bulul yó.”

Kehewà 19:13 Referans Kwoze

Hibru 12:20

Yó gónó le alì likò lan Dwata tódô mon du mò kul, “Hol bê ye abay hloni ebè nim bulul ni, anien ke olon ógóf hloni du, tódô hnatay ye, sentudà ye botu.”Balù Musis bè yóm ktonen du yóm bulul yó, botong monen, “Sidek klikou dou, botonge kenkel.”

Kehewà 19:19

Sónmoen minut bong uni yóm féw gungol le. Mudél Musis ne bnalà Dwata mlan bè leték.

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

1 Tisalunika 4:16

Bè yóm kkólen, wen gna hemsag gu bè longit mò mbal yóm kdéen. Ne mudél se yóm hol geta bè yó kem gel hógów Dwata nô bè yó, lel yóm tey uni féw Dwata, ne ominen yó htuntun gu tta bè longit yóm gónó tekuy mogot. Ne segeng le se bud mowil yó kem tau hemtahu béléen deng tehe gna matay.

Kehewà 19:14

Omin Musis bud mosol ne tulónen yó kem tau anì eles le htifes bè kehloni le ebè yóm sana kul Dwata hol gónó mogot. Tahu se, gotu nfuk le kem nes le.

Kehewà 19:17

Omin Musis mit kul hewà bè kamfù le anì na le e senlong Dwata okóm olo le mdà bè but yóm bulul yó.

Kehewà 34:3

Béen wen tau mung kóm ne béen wen tau nô bè yóm bulul yó, balù sotu. Laen dù ubiha duhen ke safì mótób bè but yóm bulul yó snéen.”