Kehewà 19:12 - Udél Dwata: Gna Kesfasad ne Lomi Kesfasad

¹² Moi blóng hilol yóm bulul yó mò gónó le són yó kem tau. Tulónem kul hol bê le abay nulé yóm blóng yó ne hol bê le abay mneged etta ne hol bê le abay hloni e du snéen. Ke wen sotu tau mulé du yóm blóng yó, tódô hnatay kmò du.

Kehewà 19:12 Referans Kwoze

Juswa 3:4

Là deng ye mlan bè ni se kuy, yó gónó le tukô gna kuy anì lolò ye lu. Okóm hol bê ye abay hloni e du yóm Slungan Fasad yó, wen dô sotu kilumitru klayuk ye edu.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Kehewà 34:12

Bê ye abay mit sbilà bè yó kem tau nô bè yóm benwu gónó ye e solu abay se ke nmò ye yóm yó, yó se gónó ye gholot bélê le, yóm gónó ye là gemmò bélê le.

Kehewà 19:23

Mon Musis se mò ke Dwata, “Là kô le gneged yó kem tau, abay se deng wen hloloem kum ne deng wen blóngen hilol yóm bulul.”

Kehewà 19:21

Ne mon Dwata mò du, “Budi mosol. Bud tulónem yó kem tau hol bê le abay nulé yóm blóng deng nmoem bè yó bè yóm na le e ketngel do. Ke wen mulé du matay le.

Kehewà 10:28

Yó bud monen mò ke Musis, “Mdóhi bè ni bè soluhu. Béi bud hton dou. Ke bud tonu uu, deng katayem ne.”

Hibru 12:18

Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.

Kehewà 34:3

Béen wen tau mung kóm ne béen wen tau nô bè yóm bulul yó, balù sotu. Laen dù ubiha duhen ke safì mótób bè but yóm bulul yó snéen.”

Kehewà 24:2

Tek són uu, Musis, hloni ebéléu, là yó kem dumuhem. Ne yó kem dumu tau nô bè but bulul, hol bê le abay mneged.”