Kehewà 19:11 - Udél Dwata: Gna Kesfasad ne Lomi Kesfasad

¹¹ Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Kehewà 19:11 Referans Kwoze

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Dwata 33:2

“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

Kehewà 34:5

Omin Dwata mnaul elaan mung bè lobun ne mdà klohok Musis, bud tulónen boluyen, du se yóm Dwata hol gónó mogot.

Kun Snulat Jan 6:38

Là kô yó du lewótu gu bè longit ke naw e nmò yóm dou knóyô. Okóm yó hol dou nógów anì nmou yóm kun kóyô yóm hógów dou.

Kun Snulat Jan 3:13

Laen kô dù tau ke deng mógów ebè longit, tek són yóm Ngà Tau, ne ditu se kun gónó gu lemwót.

Kem Lingón 144:5

Hennasem longit, Dwata, ne mnauli elaan, tendólem yó kem bulul anì semfut kebel le.

Kem Lingón 18:9

Hennasen longit, ominen mnaul elaan. Ya tey kifu mget gónón mdà.

Lista 11:17

Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.

Kehewà 19:20

Mnaul elaan Dwata eta yóm Bulul Sinay ne tnabahen eta yóm bulul yó Musis. Tahu se, bud mneged Musis.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Tekang Kbuten 11:5

Omin Dwata yó mnaul elaan nan e hnénég yóm syudad ne yóm gónô geta nbut hdà yó kem tau.

Kehewà 34:2

Eles hentifesem abay se hlafus haya budi mneged eta Bulul Sinay nam e senlong o bè yó ta tfusuen.

Juswa 3:5

Yó udél Juswa ebè yó kem tau Israél, monen, “Hol hólós ye knô ye bè solu Dwata abay se haya wen hentaw ton nmò Dwata lem blóng tekuy.”

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Kehewà 24:16

Mnaul elaan ta tfusù yóm bulul yó yóm tey layag Dwata tódô sminang. Bè kton yó kem tau Israél du yóm layag yó lómón kmoen lómón yóm ofi lemtom nô ta tfusù bulul. Botong nem kdawen tendo lemobun ta yóm bulul yó ne bè yóm ghituhen kdaw tnaba Dwata Musis gu lem yóm lobun yó.

Dwata 4:10

yóm kdaw tehe kdà ye bè solu yóm sana kuy Dwata hol gónó mogot bè Bulul Sinay, yóm kdaw tehe kmonen du mò dou, ‘Gotu sentifunem lu yó kem tau. Kóyóu ke gungol le yóm udélu ebélê le anì wen klikò le dou bè yóm klawi le mowil ne anì bud tolok le bè yó kem ngà le snéen yóm klikò le dou yó.’ ”