Kehewà 19:10 - Udél Dwata: Gna Kesfasad ne Lomi Kesfasad

¹⁰ Ne yó bud mon Dwata mò du, “Mógówi ebè yó kem tau, tulónem kul eles hólós le knô le kemdaw ni ne haya bè yóm kehloni le ebéléu. Hol nfuk le kem nes le.

Kehewà 19:10 Referans Kwoze

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Tekang Kbuten 35:2

Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Juswa 3:5

Yó udél Juswa ebè yó kem tau Israél, monen, “Hol hólós ye knô ye bè solu Dwata abay se haya wen hentaw ton nmò Dwata lem blóng tekuy.”

Deng Hegfan 7:14

Monu se, “Là, Sér, là kô tngónu du. Tulónem dou dé.” Ne monen se mò dou, “Lu se yó kem tau deng mlan lemen yóm tey hlayam bong te tonok, okóm là kô gtebel le du yóm klolò le ke Jisas. Deng nolob le ne yóm nes le bè kun litô yóm Ngà Ubiha, ne deng baling bukay ne.

Juswa 7:13

Yó ne Juswa, hfólós ye lu yó kem tau anì mógów le ebéléu haya. Tulónem kul eles le htifes abay se ou se yóm kul Dwata hol gónó mogot yó kem tau Israél ne wen monu mò kul. Yó monu, ‘Ó kem tau Israél, deng wen kem kimu nwa ye bè yó kem kimu hetfingu kuy mò dou. Ke là na ye kó du ni kem kimu deng hennagaw ye ni, là kô ye na a gemmò bè yó kem hohon ye.’

2 Tutul Israél 29:5

Timbow le deng stifun, yó monen mò kul, “Hol hnungol ye ou kem sfu Libay. Hólós ye knô ye ne nólós ye yóm Gónô Dwata yóm Dwata yó kem tehe fù ye. Gotu kó ye lem yóm gónô Dwata yó kem dê nô lemen deng gónón gholu.

Lista 31:24

Bè yóm ghituhen kdaw, hol nfuk ye nes ye omin ye hólós yóm kuy knô anì mólós kton Dwata kuy. Omin ye yó he mulék elem kamfù.” Là gomongen bè nili yóm bérs 25 efet kól bè bérs 47. Yó tulónen bè ni kem bérs ni yóm kmò kessólól kem tau Israél du yó kem tey kimu deng negef le. Wen blay le ebè Dwata, ne wen se blay le bè yó kem dumu le tebel bè kamfù ne wen se blay le bè yó kem sendalù mung bè gida.

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

2 Tutul Israél 29:34

Okóm là hol le wen yó kem tau gel blóng ebè Dwata mò hemtifes du nim kdê dsù hkekeb ni, yó gónó le htóbóng bè yó kem dumu le sfu Libay efet deng yóm nmò le, ne efet le dê yó kem tau gel blóng ebè Dwata hfólós knô. Abay se yó kem sfu Libay kul, tey le teneb bè yóm khólós le knô le senta yó kem tau gel blóng ebè Dwata.

1 Samwél 16:5

Bnalà Samwél se lu, monen, “Laen dù sidek du. Yó nógówu naw e demsù ebè Dwata, hfólós ye knô ye anì mung ye do demsù.” Omin Samwél stulón ke Jisi anì hfólósen knóen dalang se yó kem ngaen anì mung le du bè yóm kedsuen.

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Lista 11:18

Ne ni, eles hetngónem bè yó kem tau, hol le eles hólós abay se haya wen utón le. Tulónem kul deng gungolu yóm tey ktalaw le du yóm klaen dù utón le ne yóm tendo gel kmon le du hyu klowil le kun bè yóm tehe knô le bè Idyip. Ne ni, wen utón blayu kul, hol ken le.

2 Samwél 19:24

Kewót Mifibusét bè yó se kun bè Jirusalim yóm témê Sol, senlongen Dabid. Lemwót bè yóm kdaw tehe kewót Dabid gu bè Jirusalim, là kô deng noloben du tihen, ne là se kóhen du dumu bngeten, ne là se hfuken du nesen.

Lista 31:23

Tódô kdê ni kem ni, hol bud hlan ye lu bè él anì mólós kton Dwata kul. Okóm yó kem kimu mlób, olon bè él gónó ye hólós du.