Kehewà 18:8 - Udél Dwata: Gna Kesfasad ne Lomi Kesfasad

⁸ Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.

Kehewà 18:8 Referans Kwoze

Kem Lingón 107:2

Hol gel sensulit ye yóm keslamat ye bè Dwata yó, yu yem kdéen deng lenwaen. Abay se deng lenwaen yu lem tdok yó kem hohon ye,

Kem Lingón 106:10

Lenwaen lu lem hólól yó kem hohon le, nsoken lu bè yó kem tau hmohon kul.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Lista 20:14

Wen kem tau Israél dók Musis lemwót bè yó bè Kadis etu bè yóm tau hol geta bè Idom. Bè yóm kkól le ditu yó mon yó kem tau dóken, “Ni se udél lemwót bè yó kem dumum setwoli kem tau Israél. Deng tngónem yóm tey keglayam me.

Kem Lingón 66:16

Yu kem tau wen klikò ye ke Dwata, géhél ye ne, ne hol ye hmungol, naw e tulón kuy yóm deng nmò Dwata béléu.

Kehewà 18:1

Ditu bè Midyan deng gotu gungol Jitru yóm tuón Musis, yóm tau gel demsù ebè Dwata bè yóm benwu yó yóm kdê deng nmò Dwata bè Musis, ne bè yó kem tau Israél bè yóm kwiten kul hewà gu bè Idyip.

Kehewà 16:3

yó mon le mò kul, “Mom hyu he ke tódô tehe hnatay Dwata mi ditu bè Idyip. Tey gengón ken me ditu. Okóm kuy, deng mom nwit ye mi ebè nim benwu laen hol wen tauhen nii anì gotu me matay lemnus bè ni.”

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 15:6

Yóm sigel kwananem, Dwata, tey knikò yóm kgisen, gotu genlaen yó kem hohonem.

Tekang Kbuten 44:34

Là gbeku du mulék ebè mà ke là mungen dou yóm twoli me. Là gbeku mton du ke wen gfà mà.”

Kehewà 4:23

Deng monu mò kóm, hol hewótem yóm dou ngà anì tmaba ebéléu. Okóm là kói dog móyô. Mlan bè nim nmoem ni, gónóhu hmatay yóm ngaem logi twogu.’ ”

Kehewà 7:4

Duhen yó, angat wen tey tafak héét hwitu ebè yó kem tau bè Idyip. Yó kmò kwitu kul hewà bè yóm benwu yó, yó kem dou tau Israél, nwitu lu mlan bè ket ktol le.

Kehewà 7:5

Yó he ketngón le do yó kem tau Idyip, ou yóm sana Dwata hol gónó mogot ke sok tayalu eta sigelu mò tmafak kul ne ke sok nwitu hewà bè yóm kul benwu yó kem tau Israél.”

Kehewà 2:25

Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.

Kehewà 23:23

Yóm hógówu gu bè longit eles tukô gna kuy ne nwiten yu ebè yóm benwu gónó le nô yó kem tau Amurayt ne yó kem tau Hitayt ne yó kem tau Pirisayt ne yó kem tau Kananayt ne yó kem tau Hibayt ne yó kem tau Jibusayt. Ne yó angat nmou bélê le ni kem tau ni angat gotu genlau lu.

Kem Lingón 106:8

Baluen ke lómón yó nmò le, sana kehewaen kul, lanen dmohò yóm deng tehe fasaden kul, ne mò gónón hegfan yóm tey kfasangen.