Kehewà 18:7 - Udél Dwata: Gna Kesfasad ne Lomi Kesfasad

⁷ yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô.

Kehewà 18:7 Referans Kwoze

Tekang Kbuten 29:13

Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,

1 Bok Kem Tau Hol Geta 2:19

Tahu se, mógów ebè Selumun Batsiba bè yóm tau hol geta nan e tulón du yóm nóyô Adunadya. Bè yóm kton tau hol geta ke yéen, tódô hebkó mdà bè yóm gónón myón kmamal anì senlongen, ominen hegdufok ebè seel bè soluhen botong kadaten du. Ominen bud semfulék ebè yóm gónón myón kmamal, ne hwa sotu bangkù, ne hyónen yéen bè yó bè kwananen.

2 Samwél 11:7

Tikóng kól bè yó Uraya, snólók Dabid béléen ke tedu deng kmò le Juab ne yó kem sendalù mung du, ne deng kmò yóm kesgida le.

Tekang Kbuten 19:1

Deng móyón kifu ne bè yóm kkól le bè Sodom yóm lewu kem hógów Dwata yó. Lemwót Lat, tolo myón bè bak tikeb yóm syudad yó. Unihen mton kul, tódô henmung mdà senlongen lu. Tódô hegdufok ebè tonok bè solu le

Tekang Kbuten 18:2

Ne yó nmoen, temngel ebè lewà, tódô wen tonen tlu kem tau mdà bè yó. Bè yóm ktonen kul, tódô kendel mdà ne hetlasik mógów ebélê le ne tódô hegdufok ebè tonok bè solu le.

Tekang Kbuten 14:17

Bè yóm kulék Abram bè yóm katuen bè le Sidurlamér, yó nmò yóm tau hol geta bè Sodom, senlongen Abram bè Datal Syabi. Yó bud boluy le du yóm datal yó, Datal yóm Tau Geta.

Kul Nmò 28:15

Bè yóm kógów me yó, deng sana gungol le mi yó kem tau hemtahu bè Rom, glok le na a semlong kum bè fedyan Apiyus, ne bè yóm mon le Tlu Gónô Mefet. Tey mgel nawa Pol bè yóm ktonen kul, ne tey kdóyónen ke Dwata.

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.

Kun Snulat Luk 7:45

Là kô dog nelekem do yóm kotunu béléem, igoen yó sana kut gel kesfódó. Là kun nim libun nii, tódô mung bè khuseku, là kô dog kóhen du keleken tihu.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

Lista 22:36

Timbow gungol Balak yóm móyón kegdek Balaam, yó gónón semlong du bè syudad Ar nô bè kilil Él Arnon bè kilil yóm kun benwu boluyen Muab.

Tekang Kbuten 46:29

lemwót Jusif tódô hotun ete klisahen nan e senlong maen bè Gusén. Bè yóm keston le, tódô kendel lenagaf lenkef Jusif maen ne ya tey kegen le skik.

Tekang Kbuten 45:15

Omin Jusif sket lemkef ne melek yó kem twoguhen bè yóm igoen mkik. Kogol yóm keskik le, omin le mbut stulón du yó kem twoguhen.

Tekang Kbuten 31:28

Là kô dog nam helek dou kul yó kem téméu ne yó kem ngau libun gu laan le là deng lemwót. Tey sidek nim nmoem béléu ni, Tò.

Tekang Kbuten 43:26

Timbow kól Jusif, omin le ma yó kem mò basa le du ne nit le ebéléen lem gónóen, gotu le hegdufok ebè tonok bè soluhen.

Kehewà 4:27

Bè yóm tolo knô le bè lan yó, deng eles stulón ke Aron Dwata, monen mò du, “Senlongem Musis bè yóm benwu laen hol wen tauhen.” Tahu se, senlongen bè yóm bulul Dwata. Bè yóm ktonen du tey kligalen, botong neleken.

Kehewà 18:6

Uma kóm, deng eles wen udél hwit Jitru gna bè yóm kógów le ebè yó,

Kehewà 33:7

Balù kihu gónó le kmamfù yó kem tau Israél, eles tendo nwit Musis se kun yóm Gónô Dwata gel nit mógów. Sal gel hdaen bè lewà yóm kamfù le bede malù mayuk bélê le. Yó boluy le du yóm gónô yó, Gónô gónó Dwata nô lem blóng le. Kihu tau móyô temngón du yóm kun kóyô Dwata gel mógów e du nim Gónô ni.

1 Samwél 17:18

Bud nwitem se nim sfolò botu tsis nii ebè yóm kmandér le ne hnénégem ke tedu kmò yó kem twoguhem ne yake wen sulat nwitem gu bélê le mò gónów temngón du ke laen dù hemen le.”

1 Samwél 17:22

Yó nmò Dabid, tebelen bè yóm tau gel mogot ken yóm nwiten ne mlóy etu bè gónó le nô yó kem twoguhen nan e snólók yóm mò kmò le.