Kehewà 18:4 - Udél Dwata: Gna Kesfasad ne Lomi Kesfasad

⁴ Ne yó tehe bud monen bè ksut yóm ngaen twoli, “Deng tnóbóngen ou yóm Dwata hentahu yóm tehe mà ne hewaen ou anì là ghatay Faro dou.” Ne yó gónón moluy du Ilisér yóm ngaen logi twoli.

Kehewà 18:4 Referans Kwoze

Hibru 13:6

Duhen yó, là kóen layab ke mon tekuy, “Dwata se yóm gel tmóbóng do, laen kô bang gónóhu likò. Laen kô dù gmò le béléu yó kem dumu tau.”

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Kul Nmò 12:11

Yó he ketngón Pitér du là kemnahen. Ne mon nawahen, “Ni he ketngónu du ktahuhen nim ni. Deng wen hógów Dwata gu bè longit mò lemwà do lem tdok Hirod anì là gmò le du béléu yóm kul kóyô yó kem dumuhu Ju.”

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kem Lingón 34:4

Bè yóm tehe knihu bè Dwata, bnalaen ou se. Gotu kóhen béléu yóm kdê gel knikou.

Kem Lingón 18:48

ne lenwaen ou lem hólól yó kem hohonu. Tey kehegetahem dou, Dwata, senta yó kem hohonu. Deng lenwaen ou lem hólól yó kem tau mahil hmatay tau.

Kem Lingón 18:1

Ó Dwata, tey kbong nawaw kóm. Uu yóm gel hekgis dou.

Kehewà 2:15

Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô. Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le.

Kul Nmò 7:29

Timbow gungol Musis yóm monen yó, tódô lemwót mlóy etu bè tólóng benwu boluyen Midyan. Ditu gónón hlós myehen, ne lewu ngaen logi.

Hibru 11:34

Ne laen dù hemen le bè yóm tehe kbot le kul elem yóm tey ofi. Ne bè yóm tehe tô ktibó le kul, là gehlósen. Tau laen dù kgis le, okóm botong le baling kemgis. Wen se bélê le alì hulung sfatay bè gida, botong laen dù gmò yó kem hohon le lemwót bè dumu benwu.

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

Kehewà 2:22

Ne mngà logi Sipura ne yó mon Musis, “Lemwót bè yóm kilohu ebè nim benwu ni, yó boluyu du nim ngà ni, Gérsum.”

Kehewà 4:20

Tahu se, nwit Musis yehenen ne yó kem ngaen logi, hsakayen lu kudà asnu, mógów le ebè Idyip. Nwiten yóm tuged hwit Dwata du.

Kehewà 10:28

Yó bud monen mò ke Musis, “Mdóhi bè ni bè soluhu. Béi bud hton dou. Ke bud tonu uu, deng katayem ne.”