Kehewà 18:25 - Udél Dwata: Gna Kesfasad ne Lomi Kesfasad

²⁵ ne wen kem tau hulung malak néléken bè yó kem tau Israél. Wen néléken mò malak bè lemibu tau ne wen se néléken mò malak bè lematu tau ne wen se mò malak bè limu folò tau ne wen se bè sfolò tau.

Kehewà 18:25 Referans Kwoze

Kehewà 18:21

Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Kul Nmò 6:5

Ne tahu se, tódô kdê le gotu semkotuk du yóm atul le yó. Ni sii boluy yó kem tau nélék le: Stéfén, sotu tau mbegel kehtahuhen, ne sónmoen galak bè yóm Tulus Dwata. Ne yó boluy yó kem dumuhen, Filip, Prukurus, Nikanur, Timon, Parminas ne Nikulas. Tau lemwót bè Antyok yóm Nikulas ni, là Juhen se kun, okóm deng hemtahu bè yóm kul Dwata yó kem Ju.

Tekang Kbuten 47:6

Yóm benwu Idyip hol lómón ke kul funen. Suem lu bè Gusén bè yóm gónón alì hyu tonoken. Ke wen bélê le alì hulung semgyok safì, hesegyokem kul yó kem dou safì.”

Kehewà 18:24

Tahu se, tódô hentahu Musis yóm hlau tuónen du yó

Lista 1:4

Bè ket ktolen, mélék ye bélê le sotu tau gónó le gel galak mò tmóbóng kuy.” Là gomongen bè nili bérs 5 efet kól bè bérs 16. Hono boluy yó kem sfolò lewu tau nélék le mò tmóbóng kul le Musis ne Aron lemista yó kem tau Israél. Ni kem sfolò lewu tau nélék le ni, hono tau gónó le gel galak lemwót le bè ket ktol yóm sfolò lewu kem ngà Jakub logi.

Lista 11:16

Omin Dwata bud mudél ebè Musis, monen, “Semtifuni hitu folò bè yó kem tau malak yó kem tau Israél, yó kem tau hol nadat le. Nwitem lu ebéléu dini bè dou Gónô ne hdaem lu klohokem.

2 Samwél 18:1

Yó nmò Dabid, gotu sentifunen yóm kdê sendalù mung du, ominen mélék kem kmandér mò halaken bè libuhen ne mò halaken bè latuhen.