Kehewà 18:22 - Udél Dwata: Gna Kesfasad ne Lomi Kesfasad

²² Yake lu mò fen hlós gel hkukumem yó kem tau. Gbek le mit du ebéléem ke wen knukum lembang. Okóm ke knukum lemnek, lu mò fen kmukum du. Tey mahil nim ni senta yóm gnan abay se wen mò tmóbóng kóm mbô du yóm blat nô tahem.

Kehewà 18:22 Referans Kwoze

Lista 11:17

Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.

Lista 36:1

Sotu kdaw mógów le ebè Musis ne ebè yó kem dumu tuha gónó le galak yó kem fes lówó bè kun ktol Gilyad, hono kem tau semfu gu bè Makir ngà Manasi. Yóm Manasi, du se sotu ngà yóm tehe Jusif.

Kehewà 18:26

Lu mò fen hlós kmukum bélê le. Ke wen knukum lembang nwit le ebè Musis anì du fen kmukum du. Okóm ke knukum lemnek tódô lu fen gel kmukum du.

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.

Kehewà 18:18

Angat wen desem du nim nmoem ni dalang se yó kem tau mangat kóm. Là kô gbekem mò du tek sotu nim ni.

Kehewà 18:23

Ke nmoem nim deng hlolò Dwata kóm ni, kaem là kói gemnóm des lemwót bè klitegem ne gbek le mulék se kul yó kem tau abay se deng wen kmukum kul.”

Isra 7:25

Ne uu, Isra, lemwót bè yóm tey khulung hedem blayen kóm yóm kóm Dwata, uu fen mélék kul yó kem tau mò fen mogot du yó kem fsinà ye ne mò fen kmukum yóm kdê ye nô fi desdef Él Yufratis. Nélékem yó kem tau temngón du yó kem kun Hlau yóm kuy Dwata. Hol bud tolokem yó kem Hlau Dwata yó bè yó kem tau là deng temngón du he.