Kehewà 18:21 - Udél Dwata: Gna Kesfasad ne Lomi Kesfasad

²¹ Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Kehewà 18:21 Referans Kwoze

Kul Nmò 6:3

Yó dé hyu ni, kem dumu me setwoli, mélék ye kut bè kuy kwen hitu logi, yóm alì gel nadat ne yóm tendo galak bè Tulus Dwata, ne yóm hulung hedem anì sigang tekuy ta le yóm nmò ni,

Isikél 18:8

Ke wen hutóngen, là kô nan e hngà du. Gel hlayuk bè yóm là tedengen ne tedeng kkukumen kem dumun.

2 Samwél 23:3

Mudél ebéléu yóm Dwata yó kem tau Israél, yóm Dwata gónó le tendo gel heklung, monen, ‘Yóm tau mogot benwu, ke tedeng kwiten kukum, ne ke wen klikoen ke Dwata,

1 Timuti 3:3

là hlengelen, là kosut nawan, okóm tau ganag nawahen ne menek nawahen, là són bè kgutahen filak gónón nô nawahen.

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Sikaraya 7:9

“Ni se udél yóm Dwata laen dù là gbeken du. Hol nwit ye yóm kukum tedeng. Hegfan ye yóm kkodu ye yó kem dumu ye.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Kem Udél Hlalak Tehe Selumun 28:2

Sok heguluk yó kem tau lem yóm benwu, són moen se stólóng tau stufì mogot du, okóm mbegel yóm benwu ke hulung le temnef ne temngón yóm tau mogot du.

Kem Lingón 15:5

Ne ke wen hutóngen, là kô hngaen du. Ke myón bè knukum, là kô nfihen du yóm kéng, balù nô kbong tô blay le du. Yóm tau lómón yó kmoen, tendo nofin Dwata.

Job 31:13

Ke deng tmalaw yóm sotu tau mò nmò béléu, logi duhen ke libun ne ke là gel hnungolu du yóm ktalawen yó,

1 Samwél 8:3

Okóm ni kem ngaen ni, là kô lolò le du yóm kun kmò kkukum mà le. Són hendem le ke gmuta le filak. Gel nwa le ke wen blay le kul mò wa nawa le ne là tedeng kkukum le.

Kehewà 18:25

ne wen kem tau hulung malak néléken bè yó kem tau Israél. Wen néléken mò malak bè lemibu tau ne wen se néléken mò malak bè lematu tau ne wen se mò malak bè limu folò tau ne wen se bè sfolò tau.

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Kul Nmò 20:33

Yóm kegenu tehe nô lem blóng ye,” monen, “là kóe na a deng mni filak bélê ye, duhen ke nes.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 33:15

Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le.

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

Kun Snulat Luk 18:4

Tey kegenen là géhél kemmón du yóm tau hemdeng knukum yó. Okóm tikóng deng tmakas, yó hendemen, monen, ‘Balù nim là klikou ke Dwata, ne là se nadatu yó kem dumuhu tau,

Kun Snulat Luk 18:2

Yó monen mò kul, “Wen sotu tau gel hemdeng knukum bè yóm sotu benwu. Yóm tau yó, laen kô klikoen ke Dwata, ne là se nadaten kem dumuhen tau.

1 Bok Kem Tau Hol Geta 18:12

Okóm ke budi kendel lemwót bè ni, déke wen gónón e mit kóm yóm Tulus Dwata ebè yóm benwu là wen temngón du. Ne ke sut Ahab ne ke là tonen kóm, umuen ou fen hnatayen. Blaem kóm nim ou, nbut bè hanà kudiu yóm kimónu ke Dwata.

1 Bok Kem Tau Hol Geta 18:3

Lemwót Ahab, htabahen Ubadaya yóm sotu tau gel snaligen bè gónô bongen. (Nim Ubadaya ni, sotu tau alì mget kloloen ke Dwata.

1 Samwél 8:12

Wen se bélê le néléken mò malak lemibu tau ne wen se mò malak limu folò tau. Wen se bélê le mò hdaduhen bè tonoken ne wen se mò hutahen. Lemwót yó kem dumu, fen hmoen lu suk nit sfatay ne dumuhen fen hmoen ngom yóm klitun tók nit bè gida.

Tekang Kbuten 47:6

Yóm benwu Idyip hol lómón ke kul funen. Suem lu bè Gusén bè yóm gónón alì hyu tonoken. Ke wen bélê le alì hulung semgyok safì, hesegyokem kul yó kem dou safì.”

Lista 1:4

Bè ket ktolen, mélék ye bélê le sotu tau gónó le gel galak mò tmóbóng kuy.” Là gomongen bè nili bérs 5 efet kól bè bérs 16. Hono boluy yó kem sfolò lewu tau nélék le mò tmóbóng kul le Musis ne Aron lemista yó kem tau Israél. Ni kem sfolò lewu tau nélék le ni, hono tau gónó le gel galak lemwót le bè ket ktol yóm sfolò lewu kem ngà Jakub logi.

Isra 7:25

Ne uu, Isra, lemwót bè yóm tey khulung hedem blayen kóm yóm kóm Dwata, uu fen mélék kul yó kem tau mò fen mogot du yó kem fsinà ye ne mò fen kmukum yóm kdê ye nô fi desdef Él Yufratis. Nélékem yó kem tau temngón du yó kem kun Hlau yóm kuy Dwata. Hol bud tolokem yó kem Hlau Dwata yó bè yó kem tau là deng temngón du he.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Kem Lingón 15:1

Ó Dwata, tau du de yóm knóón husek elem yóm kóm Gónô? Tau du de yóm knóón hloni ebéléem bè yóm kóm bulul Sayun?

Kehewà 17:9

Mon Musis mò ke Juswa, “Méléki tau mò dumuhem mit sfatay bè yó kem tau Amélék ke haya. Ne lemwót dou, mdae te bulul nogotu yóm tuged hwit Dwata dou.”

2 Samwél 18:1

Yó nmò Dabid, gotu sentifunen yóm kdê sendalù mung du, ominen mélék kem kmandér mò halaken bè libuhen ne mò halaken bè latuhen.