Kehewà 18:17 - Udél Dwata: Gna Kesfasad ne Lomi Kesfasad

¹⁷ Omin Jitru mon du, “Là hyuhen ke són uu semflós kmukum ket kdaw.

Kehewà 18:17 Referans Kwoze

Kehewà 18:16

Ke wen lewu tau seglius ne mógów le ebéléu ke mahil du bélê le tahu ne tulónu kul yó kem hlau Dwata ne yó kem hloloen kul.”

Kehewà 18:18

Angat wen desem du nim nmoem ni dalang se yó kem tau mangat kóm. Là kô gbekem mò du tek sotu nim ni.

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Kem Udél Hlalak Tehe Selumun 27:9

Yóm gel hboo ne yóm hnolo tilob boohen hefligalen tau, okóm yóm hlayam fen sembeweg du yóm kenek nawahen.

Kul Nmò 6:2

Timbow tngón yó kem sfolò lewu tehe nélék Jisas yóm keseglius le yó, gotu senbung le yóm kdê tau hemtahu bè yó, mon le mò kul, “Là hyuhen ke mom gkogol me yóm gel ktolok me du yóm Udél Dwata lan me tlek golun bè yóm mò keblay.