Kehewà 18:16 - Udél Dwata: Gna Kesfasad ne Lomi Kesfasad

¹⁶ Ke wen lewu tau seglius ne mógów le ebéléu ke mahil du bélê le tahu ne tulónu kul yó kem hlau Dwata ne yó kem hloloen kul.”

Kehewà 18:16 Referans Kwoze

Kehewà 24:14

Gu laan le là deng lemwót, yó mon Musis bè yó kem tuha malak, “Nangat ye mi bè ni bè kamfù efet me bud kól. Tebel bélê ye bè ni Aron ne Hur. Ke wen gónó le là segtud yó kem tau mógów le ebélê le.”

1 Kurin 6:1

Kesok wen gónó ye seglius bè yó kem dumu ye hemtahu, moen de ke gel hkukum ye yó kem tau là hemtahuhen? Mò ye là tódô mit du ebè yó kem tau Dwata mò fen kmukum du bélê ye?

2 Samwél 15:3

Yó bud mon Absalum mò du, “Tahu se yóm klamohem yó, okóm yó dum laen dù tau deng nélék yóm tau hol geta mò hmungol kóm.”

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Job 31:13

Ke deng tmalaw yóm sotu tau mò nmò béléu, logi duhen ke libun ne ke là gel hnungolu du yóm ktalawen yó,

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Kehewà 2:13

Hayahen bè yó, bud nauyen yó kem dumu Hibru ne wen tonen lewu kem tau Hibru sfatay honon lu. Yó monen bè yóm tau wen salaen, “Moen du ke hendesem yóm kóm dumu Hibru?”

Kehewà 18:17

Omin Jitru mon du, “Là hyuhen ke són uu semflós kmukum ket kdaw.

2 Tutul Israél 19:10

Ke wen knukum gefet bélê ye lemwót bè yó kem dumu ye nô bè yó kem dumu benwu hmilol kuy, ke gbak bè kesbonok, duhen ke bè kulé le yó kem hlau Dwata ne yó kem hloloen kul, hol eles hetgama ye kul bê le abay gemsalà bè Dwata. Abay se ke yó nmò le, gbunù ye yóm kebut Dwata kuy dalang se yó kem dumu ye. Hol nmò ye nim ni anì là gemsalà ye bè Dwata.